Boksshy Muhamedsabyr Bazarbaıuly kelesi aınalymǵa shyqty (VIDEO)

Bokstan Taılandtyń Bangkok qalasynda ótip jatqan Olımpıadaǵa irikteý týrnırinde Muhamedsabyr Bazarbaıuly ekinshi jekpe-jeginde de jeńiske jetip, kelesi aınalymǵa shyqty.

Búgin 63,5 keli salmaqta synǵa túsip jatqan boksshy túrkııalyq Mızan Aıkóldi jeńdi. Buǵan deıin Bazarbaıuly fılıppındik qarsylasy Krıstıan Pıtt Laýretteni jeńgen bolatyn.

Bokstan Qazaqstan komandasy jeti salmaqtyń altaýynda joldama alyp úlgerdi. Endi erler arasynda bir joldamanyń máselesi Taılandtaǵy sońǵy irikteý týrnırinde sheshiledi.

Keshki sessııada 16:45-te 54 keli salmaqtaǵy Uljan Sársenbek amerıkalyq Sheroı Meı Patrısıomen kúsh synasady. Odan basqa Valentına Halzova (75 kg), Nazym Qyzaıbaı (50 kg), 60 keli salmaqta Rımma Volosenko men Natalıa Bogdanova qolǵap túıistiredi.

Bogdanova alǵashqy jekpe-jegine erteń, 29 mamyrda shyǵady. Al basqalary alǵashqy aıqastaryn jeńip, kelesi aınalymǵa shyǵyp otyr. Muhamedsabyr Bazarbaıuly ekinshi jekpe-jegin jeńdi.

Taılandtaǵy irikteý týrnır 3 maýsymda aıaqtalady.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)