SportPress.kz قازاقستان سپورت جاڭالىقتارى
استانا قالاسىندا 1 ماۋسىمدا ەسىرتكىگە قارسى كۇرەس جانە بالالاردى قورعاۋ كۇنىنە وراي بۇقارالىق ۆەلوشەرۋ وتەدى، دەپ حابارلادى قالا اكىمدىگى.
ۆەلوسيپەدشىلەر قوسشىعا قاراي جول بويىنداعى اينالما ۆەلوجولدان 25 شاقىرىم قاشىقتىقتا «جاسىل بەلدەۋدە»، ياعني «ۇركەر» (يلينكا) تۇرعىن الابىنىڭ ساياباعىنا دەيىن ءجۇرىپ وتەدى.
ۆەلوشەرۋگە قاتىسۋعا نيەت بىلدىرۋشىلەردى تىركەۋ ساعات 07:00-دەن 08:00-عا دەيىن بولادى. شەرۋ ساعات 08:00-دە باستالادى. تىركەلۋ تەگىن.
ءىس-شارا اياقتالعاننان كەيىن مارەدە تىركەلگەن ۆەلوسيپەدشىلەر اراسىندا لوتەرەيا جانە باعالى سىيلىقتار ويناتىلادى.
ۆەلوجارىسقا ءار قاتىسۋشى ءوز ۆەلوسيپەدىمەن جىبەرىلەدى. الايدا مىندەتتى تۇردە شلەم بولۋ كەرەك.
مەرەكەلىك ۆەلوشەرۋگە قاتىسۋعا ەلوردانىڭ بارلىق تۇرعىندارى مەن قوناقتارى شاقىرىلادى.
