1 maýsymda Astanada buqaralyq velosherý ótedi

Astana qalasynda 1 maýsymda esirtkige qarsy kúres jáne balalardy qorǵaý kúnine oraı buqaralyq velosherý ótedi, dep habarlady qala ákimdigi.

Velosıpedshiler Qosshyǵa qaraı jol boıyndaǵy aınalma velojoldan 25 shaqyrym qashyqtyqta «Jasyl beldeýde», ıaǵnı «Úrker» (Ilınka) turǵyn alabynyń saıabaǵyna deıin júrip ótedi.

Velosherýge qatysýǵa nıet bildirýshilerdi tirkeý saǵat 07:00-den 08:00-ǵa deıin bolady. Sherý saǵat 08:00-de bastalady. Tirkelý tegin.

Is-shara aıaqtalǵannan keıin márede tirkelgen velosıpedshiler arasynda lotereıa jáne baǵaly syılyqtar oınatylady.

Velojarysqa ár qatysýshy óz velosıpedimen jiberiledi. Alaıda mindetti túrde shlem bolý kerek.

Merekelik velosherýge qatysýǵa elordanyń barlyq turǵyndary men qonaqtary shaqyrylady.