ءامىر ومارحانوۆ «رولان گارروستىڭ» ەكىنشى اينالىمىنا شىقتى

تەننيسشى ءامىر ومارحانوۆ رولان گارروس» ءتۋرنيرىنىڭ جاسوسپىرىمدەر اراسىندا ءوتىپ جاتقان جارىسىندا جۇپتىق سىندا ەكىنشى اينالىمىنا شىقتى، دەپ حابارلادى قازاقستان تەننيس فەدەراتسياسى.
ول رەسەيلىك تيموفەي دەرەپاسكومەن بىرگە العاشقى ويىنىن فرانتسيالىق انتۋان فاتو مەن دانيەل جادەمەن ويناپ، ولاردى 7:6 (7:5)، 6:2 ەسەبىمەن جەڭدى.

بۇل ماتچ ءبىر ساعاتتان استام ۋاقىتقا سوزىلدى.

ەندى ومارحانوۆ – دەرەپاسكو دۋەتى شيرەك فينالعا شىعۋ ءۇشىن جارىستىڭ 5-راكەتكالارى، فرانتسيالىق چارلي كاميۋ مەن اۋستراليالىق حايدەن دجونسپەن كەزدەسەدى.

جەكەلەي سىندا ءامىر ومارحانوۆ العاشقى اينالىمدا يسپانيالىق رافاەل حوداردان 2:6، 2:6 ەسەبىمەن جەڭىلدى.