«رولان گارروس»: رىباكينا جارتىلاي فينالعا شىعا المادى

ەلىمىزدىڭ ءبىرىنشى راكەتكاسى ەلەنا رىباكينا «رولان گارروس» ءتۋرنيرىنىڭ جارتىلاي فينالىنا شىعا المادى، دەپ حابارلادى قازاقستان تەننيس فەدەراتسياسى.

تەننيسشى شيرەك فينالدا الەمنىڭ 15-راكەتكاسى، يتاليالىق ياسمينە پاولينيمەن ويناپ، ودان جەڭىلۋگە ءماجبۇر بولدى.

فيليپپ شاترە كورتىندا يتاليالىق تەننيسشى ماتچتى برەيكپەن باستادى. ەسەپ 2:0 بولعاندا ول تاعى ءبىر برەيك جاساپ،  بىرىنشى سەتتە 6:2 ەسەبىمەن جەڭدى.

پاوليني ەكىنشى سەتتە دە برەيكپەن 2:1 ەسەبىمەن العا شىقتى. بۇدان كەيىن رىباكينا تارازى باسىن تەڭەستىرىپ قانا قويماي، 6:4 ەسەبىمەن جەڭىسكە جەتتى.

ءۇشىنشى، شەشۋشى سەتتە پاوليني رىباكينادان 6:4 ەسەبىمەن باسىم ءتۇستى.