بوكسشىلار كەزەكتى حالىقارالىق تۋرنيرگە دايىندالىپ جاتىر

قازاقستان جاستار قۇراماسى تۇركىستان وبلىسىندا ورنالاسقان «الماتاۋ» سپورت بازاسىندا وقۋ-جاتتىعۋ جيىنىن وتكىزۋدە، دەپ حابارلادى بوكس فەدەراتسياسى.

بۇل وقۋ-جاتتىعۋ جيىنى 9 ماۋسىمدا باستالدى. ول 23 ماۋسىمعا دەيىن بولادى. جيىنعا كەلگەن بوكسشىلار 24-28 ماۋسىم ارالىعىندا شىمكەنتتە وتەتىن مۇحتارحان دىلدابەكوۆتىڭ جۇلدەسىنە ارنالعان حالىقارالىق تۋرنيرگە قاتىسادى.

تۋرنيردە جەتى مەملەكەتتىڭ وكىلدەرى كۇش سىناسادى. جاتتىعۋ جيىنىنا قازاقستان قۇراماسىمەن بىرگە گرۋزيانىڭ بوكسشىلارى دا قاتىسىپ جاتىر.

سونىمەن قاتار، جاتتىقتىرۋشىلار كەڭەسى استانادا وتكەن ازيا چەمپيوناتىنىڭ قورىتىندىسى بويىنشا كەيبىر سالماق دارەجەلەرىندە وزگەرىستەر ەنگىزۋدى جوسپارلاپ وتىر. سوندىقتان شىمكەنتتەگى جارىستا ونەر كورسەتەتىن بوكسشىلاردى ءجىتى باقىلايدى.

14 كۇندىك وقۋ-جاتتىعۋ جيىنى كەزىندە بوكسشىلار جاتتىعۋ جانە بوكس زالىندا شىنىعادى. اينالمالى جاتتىعۋ وتكىزىپ، تاۋعا دا شىعادى.

 

View this post on Instagram

 

A post shared by Kazakhstan Boxing Federation (@boxingkazakhstan)