الماتىدا شاحماتتان ازيا چەمپيوناتى باستالدى

الماتى قالاسىنداعى بالۋان شولاق اتىنداعى سپورت سارايىندا شاحماتتان جاسوسپىرىمدەر اراسىنداعى XVI ازيا چەمپيوناتى باستالدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

وعان 7-18 جاس ارالىعىندا 34 ەلدەن جينالعان 650-گە جۋىق جاس ويىنشى قاتىسىپ جاتىر. بۇل ەلىمىز قابىلداعان حالىقارالىق دەڭگەيدەگى شاحمات ءتۋرنيرى اراسىندا بۇرىن-سوڭدى بولماعان كورسەتكىش. جاس شاحماتشىلار 10-20 ماۋسىم ارالىعىندا كلاسسيكا، راپيد جانە بليتستە باق سىنايدى.

چەمپيونات تۋريزم جانە سپورت مينيسترلىگى، قازاقستان شاحمات فەدەراتسياسى، ازيا شاحمات فەدەراتسياسى، الماتى قالاسى اكىمدىگى مەن قازاقستان تەننيس فەدەراتسياسىنىڭ قولداۋىمەن ۇيىمداستىرىلدى.

ەسكە سالا كەتسەك، بيىلعى جىلدىڭ سوڭىندا شاحمات تاريحىندا تۇڭعىش رەت الەم چەمپيونى اتاعى ءۇشىن ەكى ويىنعا دا ازيا ويىنشىلارى قاتىسادى. ەرلەر اراسىندا قازىرگى الەم چەمپيونى قىتايلىق دين ليجەن مەن ءۇندىستان وكىلى گۋكەش دوممارادجۋ، ايەلدەر اراسىندا تسزيۋي ۆەنتسزيۋن مەن تان چجۋني (ەكەۋى دە قىتاي) بار.

بيىلعى ازيا چەمپيوناتىنا وتانداستارىمىز كوپ قاتىسىپ جاتىر. وزبەكستاننان 58 شاحماتشى كەلدى. فيدە تۋىنىڭ استىندا رەسەيدەن 54، ۆەتنامنان 48، ءۇندىستاننان 36، قىرعىزستاننان 34، موڭعوليادان 28، سينگاپۋردان 20، شري-لانكادان 19، قىتاي مەن وڭتۇستىك كورەيادان 17 ءجاسوسپىرىم بولسا،يراننان 15 شاحماتشى قاتىسۋدا.

چەمپيوناتقا قاتىسۋشىلاردىڭ اراسىندا حالىقارالىق دەڭگەيدەگى ەكى شەبەر ويىنشى بار . ولار: جاقىندا ءۇشىنشى گروسسمەيستەرلىك نورمانى ورىنداعان وتانداسىمىز الديار اڭسات پەن ءۇندى سۋرەش حارش. ەكەۋى دە U18 ساناتىندا وينايدى. سونىمەن قاتار ايەلدەر اراسىندا ەكى حالىقارالىق شەبەر – امينا قايىربەكوۆا (قازاقستان) مەن مافتۋنا بوبومۋرودوۆا (وزبەكستان) دا U18 ساناتىندا باسەكەلەس بولادى. مۇندا فيدە ايەلدەر شەبەرى نگۋەن حونگ نيۋنگ، 2022 جىلعى 16 جاسقا دەيىنگى الەم چەمپيوناتىنىڭ كۇمىس جۇلدەگەرى. قاتىسۋشىلار اراسىندا بارلىعى 24 فيدە شەبەرى مەن 11 فيدە ايەل شەبەرى بار.

چەمپيونات 20 ماۋسىمدا اياقتالادى.