Almatyda shahmattan Azııa chempıonaty bastaldy

Almaty qalasyndaǵy Balýan Sholaq atyndaǵy sport saraıynda shahmattan jasóspirimder arasyndaǵy XVI Azııa chempıonaty bastaldy, dep habarlady Týrızm jáne sport mınıstrliginiń Sportty damytý dırekııasy.

Oǵan 7-18 jas aralyǵynda 34 elden jınalǵan 650-ge jýyq jas oıynshy qatysyp jatyr. Bul elimiz qabyldaǵan halyqaralyq deńgeıdegi shahmat týrnıri arasynda buryn-sońdy bolmaǵan kórsetkish. Jas shahmatshylar 10-20 maýsym aralyǵynda klassıka, rapıd jáne blıte baq synaıdy.

Chempıonat Týrızm jáne sport mınıstrligi, Qazaqstan shahmat federaııasy, Azııa shahmat federaııasy, Almaty qalasy ákimdigi men Qazaqstan tennıs federaııasynyń qoldaýymen uıymdastyryldy.

Eske sala ketsek, bıylǵy jyldyń sońynda shahmat tarıhynda tuńǵysh ret álem chempıony ataǵy úshin eki oıynǵa da Azııa oıynshylary qatysady. Erler arasynda qazirgi álem chempıony qytaılyq Dın Lıjen men Úndistan ókili Gýkesh Dommaradjý, áıelder arasynda zıýı Venzıýn men Tan Chjýnı (ekeýi de Qytaı) bar.

Bıylǵy Azııa chempıonatyna otandastarymyz kóp qatysyp jatyr. О́zbekstannan 58 shahmatshy keldi. FIDE týynyń astynda Reseıden 54, Vetnamnan 48, Úndistannan 36, Qyrǵyzstannan 34, Mońǵolııadan 28, Sıngapýrdan 20, Shrı-Lankadan 19, Qytaı men Ońtústik Koreıadan 17 jasóspirim bolsa,Irannan 15 shahmatshy qatysýda.

Chempıonatqa qatysýshylardyń arasynda halyqaralyq deńgeıdegi eki sheber oıynshy bar . Olar: jaqynda úshinshi grossmeısterlik normany oryndaǵan otandasymyz Aldııar Ańsat pen úndi Sýresh Harsh. Ekeýi de U18 sanatynda oınaıdy. Sonymen qatar áıelder arasynda eki halyqaralyq sheber – Amına Qaıyrbekova (Qazaqstan) men Maftýna Bobomýrodova (О́zbekstan) da U18 sanatynda básekeles bolady. Munda FIDE áıelder sheberi Ngýen Hong Nıýng, 2022 jylǵy 16 jasqa deıingi álem chempıonatynyń kúmis júldegeri. Qatysýshylar arasynda barlyǵy 24 FIDE sheberi men 11 FIDE áıel sheberi bar.

Chempıonat 20 maýsymda aıaqtalady.