وليمپياداعا دايىندىق پىسىقتالدى

بۇگىن استاناداعى وليمپياداعا دايىندىق شتابىندا كەزەكتى باسقوسۋ بولدى. 

جيىنعا بەلگىلى قوعام قايراتكەرلەرى، وليمپيادا چەمپيوندارى مەن جۇلدەگەرلەرى، سپورت جۋرناليستيكاسىنىڭ ارداگەرلەرى قاتىسىپ، شتاب وكىلدەرىمەن بىرگە ۇلتتىق قۇرامانىڭ الداعى باس دوداعا دايىندىعىن پىسىقتادى، دەپ حابارلادى تۋريزم جانە سپورت مينيسترلىگى.

قوناقتار قاتارىندا دۇنيەجۇزىلىك جانە قازاقستان  توعىزقۇمالاق فەدەراتسياسىنىڭ پرەزيدەنتى  ءاليحان بايمەنوۆ، قويان-قولتىق ۇرىستان رەسپۋبليكالىق فەدەراتسيا باسشىسى اباي تاسبولاتوۆ، 1972 جىلعى ميۋنحەن وليمپياداسىنىڭ كۇمىس جۇلدەگەرى ۆيكتور ابويموۆ، وليمپيادا چەمپيونى سەرىك ساپيەۆ، وليمپيادانىڭ كۇمىس جۇلدەگەرى ۆاسيلي لەۆيت، الەم چەمپيونى  مەرەي اقشالوۆ، سونداي- اق   سپورت جۋرناليستيكاسىنىڭ ارداگەرلەرى ءجۇسىپ حيسىموۆ، نەسىپ ءجۇنىسباي، وڭداسىن ەلۋباي، قىدىربەك رىسبەك، عالىم قوجابەك پەن باسقا ازاماتتار قاتىستى.

كوكەيدە جۇرگەن كوپتەگەن ماسەلەلەر تالقىلانىپ، قىزىقتى سۇراقتار قويىلدى. شتاب قىزمەتكەرلەرى كەڭ كولەمدە اقپارات بەرىپ، اتقارىلىپ جاتقان شارالار تۋرالى باياندادى.

قازىرگى تاڭدا ەل قورجىنىندا سپورتتىڭ 22 تۇرىنەن 71 جولداما بار. ليتسەنزيالىق جارىستار ءالى جالعاسۋدا.