Olımpıadaǵa daıyndyq pysyqtaldy

Búgin Astanadaǵy Olımpıadaǵa daıyndyq shtabynda kezekti basqosý boldy. 

Jıynǵa belgili qoǵam qaıratkerleri, Olımpıada chempıondary men júldegerleri, sport jýrnalıstıkasynyń ardagerleri qatysyp, shtab ókilderimen birge ulttyq quramanyń aldaǵy bas dodaǵa daıyndyǵyn pysyqtady, dep habarlady Týrızm jáne sport mınıstrligi.

Qonaqtar qatarynda dúnıejúzilik jáne Qazaqstan  toǵyzqumalaq federaııasynyń prezıdenti  Álıhan Báımenov, qoıan-qoltyq urystan respýblıkalyq federaııa basshysy Abaı Tasbolatov, 1972 jylǵy Mıýnhen Olımpıadasynyń kúmis júldegeri Vıktor Aboımov, Olımpıada chempıony Serik Sápıev, Olımpıadanyń kúmis júldegeri Vasılıı Levıt, álem chempıony  Mereı Aqshalov, sondaı- aq   sport jýrnalıstıkasynyń ardagerleri Júsip Hısymov, Nesip Júnisbaı, Ońdasyn Elýbaı, Qydyrbek Rysbek, Ǵalym Qojabek pen basqa azamattar qatysty.

Kókeıde júrgen kóptegen máseleler talqylanyp, qyzyqty suraqtar qoıyldy. Shtab qyzmetkerleri keń kólemde aqparat berip, atqarylyp jatqan sharalar týraly baıandady.

Qazirgi tańda el qorjynynda sporttyń 22 túrinen 71 joldama bar. Lıenzııalyq jarystar áli jalǵasýda.