Bokstan jasóspirimder komandasynyń jańa quramy jasaqtalady

Túrkistan oblysynda bokstan jasóspirimder quramasynyń oqý-jattyǵý jıyny aıaqtaldy, dep habarlady olympic.kz.

Boksshylardyń jas dárejesinde salmaqtardyń ózgerýine baılanysty Almatyda 5-9 shilde aralyǵynda qosymsha irikteý týrnıri ótedi. Osy jarystyń qorytyndysy boıynsha jańa quram jasaqtalady.

Komanda 6-20 tamyz aralyǵynda Almaty oblysyndaǵy Respýblıkalyq olımpıadalyq daıarlyq ortalyǵynda qorytyndy oqý-jattyǵý jıynyn ótkizedi.

Bul jumystyń barlyǵy Azııa chempıonatyna arnalyp otyr. Tamyz aıynda jasóspirimder Ábý-Dabıdegi (BAÁ) qurlyqtyq chempıonatqa qatysady.

Bokstan Qazaqstan jasóspirimder quramasynyń aǵa jattyqtyrýshysy — Jaqsylyq Moldahanov.