SportPress.kz قازاقستان سپورت جاڭالىقتارى
فرانتسيانىڭ استاناسى — پاريجدە بولاتىن ءحححىىى جازعى وليمپيالىق ويىندارعا ەلۋ بەس كۇن قالدى.
كانادا، جاپونيا جانە باسقا دا ەلدەر وليمپياداعا قاتىساتىن سپورتشىلارىن تۇگەندەپ، كوماندا قۇرامىن جاريالاپ جاتىر. ال قازاقستان دزيۋدو فەدەراتسياسى پاريجگە كىمدەر باراتىنىن قاشان ايتادى؟ الدە فرانتسۋز ماماندار كىمدى جىبەرەرىن بىلە الماي، باسى قاتىپ ءجۇر مە؟
ايىنا 200 مىڭ تگ الاتىن (رەسمي جاۋاپ) ەكى فرانتسۋز مامانى «ۇيىمىزگە قاشان كەتەمىز؟ كونتراكت ءبىتتى مە؟ وز ەلىمىزگە باراتىن بولدىق!» — دەپ ءارى قاراي وليمپيادا باستالاتىن كەزدە اۋىلدارىنا كەتىپ قالماسىن.
دزيۋدودان قازاقستان ۇلتتىق قۇراما كومانداسىنىڭ مۇشەلەرى نۇرقانات سەرىكباەۆ، ماعجان شامشادين مەن ەلدوس سمەتوۆ (60 كگ) اراسىندا بەلدەسۋ وتكىزسە دەيمىن. ويتكەنى، دزيۋدو جانكۇيەرلەرى مەن جەرلەستەرى، تۋىستارى ەشكىمگە رەنجىمەۋ ءۇشىن سەرىكباەۆ — شامشادين — سمەتوۆ ۇشەۋى ءوز ارا كۇرەسىپ، جەڭگەنى پاريجگە بارسىن.
بەلگىلى جاتتىقتىرۋشىلار قالەن قالي ۇلى، مارات حامزا، سەرگەي راكوۆ نەگە ۇلتتىق قۇراما كومانداسىنا كىرمەي كەلەدى؟ نەگە شەتەلدەگى جارىستارعا شاكىرتتەرىمەن بىرگە بارمايدى؟ ولار ءوز ەلىمىزدە وگەي سياقتى بولىپ ءجۇر. سوندا سىزدەردىڭ ماقساتتارىڭىز نە؟
الىپ كەلگەن فرانتسۋز ماماندارىڭىز قازاق بالالارىنان بىردە-ءبىر الەم جانە ازيا چەمپيونىن شىعارا المادى. ونسىز دا، ەستىپ ءجۇرمىز، تاجىريبەلى دزيۋدوشىلار فرانتسۋزداردان جالىعىپ كەتكەن. ال قۇراماعا جاڭادان كەلگەندەرگە فرانتسيانىڭ ازاماتتارى ايتەۋىر بىردەڭە ۇيرەتىپ جاتقانداي بولادى. كەيىن ولاردىڭ دا ىعىرى شىعۋى مۇمكىن.
بىزگە ناتيجە كەرەك، ناتيجە!
ايبەك مۇحانوۆ،
ماڭعىستاۋ وبلىسى
