Ámir Zákirov pen Ámir Maımuratov Olımpıadaǵa joldama aldy

Majarstannyń Býdapesht qalasynda  breıkıng, sporttyq quzǵa órmeleý, skeıtbordıng pen BMX-frıstaıldan lıenzııalyq týrnırdiń ekinshi serııasy óz máresine jetti, dep habarlady Týrızm jáne sport mınıstrliginiń Sportty damytý dırekııasy.

Jekeleı synda breıkıngten el namysyn qorǵaǵan Ámir Zákirov fınalda Nıderland ókili Lı Vınske ese jiberip (2:1), kúmis medal alyp, Olımpıadanyń joldamasyn jeńip aldy.  Al úshinshi orynǵa Hong Ten (Ońtústik Koreıa) ıe boldy. Qazir eki irikteý kezeńiniń qorytyndysy boıynsha Ámir Zákirovtiń enshisinde 71 upaı bar. Ol buǵan deıin Qytaıdyń Shanhaı qalasynda ótken týrnırde 15-oryndy ıelengen bolatyn.

Sondaı-aq, sporttyq quzǵa órmeleýden «jyldamdyq» sanatynda óner kórsetken Ámir Maımuratov fınalda qytaılyq qarsylasynan (4.90 sekýnd) artta qalyp, ekinshi orynmen qatar, Olımpıadanyń lıenzııasyn aldy. Taǵy bir tájirıbeli otandasymyz Rıshat Haıbýllın 6-orynnan kórinse, áıelder arasynda Tamara Uljabaeva 16-satyǵa turaqtady. Bul baǵdarlamada 20 elden 64 sportshy baq synady.

Men jarysta barlyq qarsylastarymdy jeńip, sońyna kelgende súrindim. Ishteı ókinish bar. Alaıda bul men alar jeńistiń sońy emes. Aldaǵy ýaqytta jattyǵýymdy nyqtap, kók týymyzdy jelbiretemin. Olımpıadadaǵy eń basty qarsylastarymnyń biri -amerıkalyq Samýel Vatson men ındonezııalyq Veddrık Leonardo. Biraq, ózime senimdimin, qateligimdi qaıtalamaımyn, — dedi Ámir Maımuratov.

Quzǵa órmeleý sporty Olımpıadanyń baǵdarlamasyna 2021 jyly Japonııanyń Tokıo qalasynda ótken Oıyndarda engizildi.

Tokıo Olımpıadasynda alǵash ret Rıshat Haıbýllın joldama alyp, álemniń 19 sportshysymen synǵa tústi. Ol kezde tek erler jáne áıelder kópsaıystan (3 jattyǵýdyń qorytyndysy) júldege talasty.

Parıj Olımpıadasynda quzǵa órmeleý sportynyń baǵdarlamasy ózgeriske ushyrap, medal sany tórt júldege kóbeıdi.

Boýlderıngten erler men áıelderdiń árqaısy 20 sportshydan, jyldamdyqtan jarysqa erler men áıelderdiń árqaısysy 14 sportshydan baq synaıdy.

Ámir Maımuratov dál osy jyldamdyq saıysy boıynsha úzdik 14 sportshynyń qataryna enip otyr. Ol 2012 jyly Iranda jyldamdyqtan jastar arasynda jalaýy jelbiregen Azııa chempıonatyn jeńip alsa, 2017 jyly Qytaıda Azııa kýbogynyń ıegeri boldy. Al kelesi jyly Taılandta Azııa kýbogynyń qola júldegeri atandy.

Sportshyny Rınat Haıbýllın men Klara Slýkaıa jattyqtyrady. Bul ekeýi Qazaqstan atynan 1997 jyly alǵash ret Gımalaı ekspedıııasyna qatysqan bolatyn.