SportPress.kz قازاقستان سپورت جاڭالىقتارى
تەننيسشى يۋليا پۋتينتسەۆا ۇلىبريتانيانىڭ بيرمينگەم قالاسىندا وتكەن WTA 250 ءتۋرنيرىنىڭ جەڭىمپازى اتاندى، دەپ حابارلادى قازاقستان تەننيس فەدەراتسياسى.
فينالدا تەننيسشى دۇنيەجۇزىلىك رەيتينگىدە 190-ورىندا تۇرعان اۋستراليا وكىلى ايلا ءتومليانوۆيچتى 6:1، 7:6(8) ەسەبىمەن جەڭدى.
ءبىرىنشى پارتيادا پۋتينتسەۆا ءۇش برەيك جاساپ، پارتيانى 6:1 ەسەبىمەن اياقتادى. ەكىنشى پارتيادا دا 2:0 ەسەبىمەن العا شىققانىمەن، ونىڭ قارسىلاسى دەس بەرمەدى. ەندى ايلا تومليانوۆيچ 5:3 ەسەبىمەن العا شىقتى.
دەگەنمەن يۋليا پۋتينتسەۆا تارازى باسىن تەڭەستىرىپ، تاي-برەيكتە 7:6 (10:8) ەسەبىمەن باسىم ءتۇستى.
وسىلايشا، پۋتينتسەۆا العاش رەت كوگال توسەنىشىندەگى WTA تۋرنيرىندە توپ جاردى. بۇعان دەيىن ول 2019 جىلى نيۋرنبەرگ، 2022 جىلى بۋداپەشت دوداسىندا جەڭىمپاز اتانعان ەدى.
پۋتينتسەۆا ەندى باد-حومبۋرگ WTA 500 تۋرنيرىندە باق سىنايدى.
