SportPress.kz قازاقستان سپورت جاڭالىقتارى
جاپونيانىڭ حاتينوحە قالاسىندا ءوتىپ جاتقان كونكيمەن جۇگىرۋدەن ءتورت قۇرلىق چەمپيوناتىنىڭ شەشۋشى جارىس كۇنى ۇلتتىق قۇراما قورجىنىنا التىن مەدال ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.
ەرلەر اراسىنداعى ماسس-ستارتتا وتانداسىمىز ۆيتالي ششيگولەۆ مارەگە ءبىرىنشى جەتىپ، جەڭىمپاز اتاندى.
ۇلتتىق قۇراما سپورتشىسى مارەگە ساناۋلى سəتتەر قالعاندا كانادالىق داۆيد لا رۋن مەن حايدەن مايەردەن وزىپ كەتتى. بۇل — قازاقستان قۇراماسىنىڭ جاپونياداعى جارىستاعى ءۇشىنشى جۇلدەسى.
ەسكە سالا كەتەيىك، ۆيتالي ششيگولەۆ 2022 جىلى كانادانىڭ كۆەبەك قالاسىندا وتكەن ءتورت قۇرلىق چەمپيوناتىندا 5 000 مەترگە جارىستا جەڭىسكە جەتكەن ەدى.
جالپى، ءتورت قۇرلىق چەمپيوناتى دەگەن ەۋروپادان باسقا قۇرلىقتاعى مەملەكەتتىڭ سپورتشىلارى سىنعا تۇسەتىن جىل سايىنعى جارىس.
