2027 جىلى استانادا الەم چەمپيوناتى بولادى — World Boxing

World Boxing حالىقارالىق فەدەراتسياسى 2027 جىلى استانادا بوكستان الەم چەمپيوناتىن وتكىزۋ تۋرالى شەشىم شىعاردى، دەپ حابارلادى olympic.kz.

بۇل الەمدىك دودا 2028 جىلى اقش-تىڭ لوس-اندجەلەس قالاسىندا وتەتىن جازعى وليمپيالىق ويىندار قارساڭىندا ۇيىمداستىرىلادى.

چەمپيوناتتىڭ وتكىزىلۋ مەرزىمى مەن ۇيىمداستىرۋ جۇمىستارى تۋرالى قوسىمشا اقپارات كەيىنىرەك حابارلاناتىن بولادى.

2027 جىلى وليمپيادا الدىندا وتەتىن بوكستان الەم چەمپيوناتى – قازاقستان ءۇشىن ۇلكەن مارتەبە، ءارى جاۋاپكەرشىلىك. ءبىزدىڭ ەل ءىرى حالىقارالىق سپورتتىق جارىستاردى لايىقتى دەڭگەيدە وتكىزۋدە مول تاجىريبە جيناعان.

وليمپيادا الدىنداعى بۇل چەمپيوناتتىڭ ماڭىزدىلىعىن تۇسىنە وتىرىپ، World Boxing ۇيىمىنا بىلدىرگەن سەنىمى ءۇشىن العىسىمدى ايتامىن، – دەدى قازاقستان ۇلتتىق وليمپيادالىق كوميتەتىنىڭ پرەزيدەنتى، World Boxing وليمپيادالىق كوميسسياسىنىڭ توراعاسى گەننادي گولوۆكين.

قازاقستان وسىمەن ەكىنشى رەت بوكستان الەم چەمپيوناتىن وتكىزەدى. بۇعان دەيىن 2013 جىلى الماتىدا ەرلەر اراسىندا الەم چەمپيوناتىنىڭ جالاۋى جەلبىرەگەن ەدى.