2027 jyly Astanada álem chempıonaty bolady — World Boxing

World Boxing halyqaralyq federaııasy 2027 jyly Astanada bokstan álem chempıonatyn ótkizý týraly sheshim shyǵardy, dep habarlady olympic.kz.

Bul álemdik doda 2028 jyly AQSh-tyń Los-Andjeles qalasynda ótetin jazǵy Olımpııalyq oıyndar qarsańynda uıymdastyrylady.

Chempıonattyń ótkizilý merzimi men uıymdastyrý jumystary týraly qosymsha aqparat keıinirek habarlanatyn bolady.

2027 jyly Olımpıada aldynda ótetin bokstan álem chempıonaty – Qazaqstan úshin úlken mártebe, ári jaýapkershilik. Bizdiń el iri halyqaralyq sporttyq jarystardy laıyqty deńgeıde ótkizýde mol tájirıbe jınaǵan.

Olımpıada aldyndaǵy bul chempıonattyń mańyzdylyǵyn túsine otyryp, World Boxing uıymyna bildirgen senimi úshin alǵysymdy aıtamyn, – dedi Qazaqstan Ulttyq Olımpıadalyq komıtetiniń prezıdenti, World Boxing Olımpıadalyq komıssııasynyń tóraǵasy Gennadıı Golovkın.

Qazaqstan osymen ekinshi ret bokstan álem chempıonatyn ótkizedi. Buǵan deıin 2013 jyly Almatyda erler arasynda álem chempıonatynyń jalaýy jelbiregen edi.