Аңызға айналған боксшы Рой Джонс Қазақстан чемпионатында шаршы алаңға шықты (ВИДЕО)

Қарағандыда Серік Сәпиев бокс орталығында өтіп жатқан Қазақстан чемпионатының ашылу салтанатында аты аңызға айналған боксшы Рой Джонс ән шырқады, деп хабарлады Jibek Joly телеарнасы.

Чемпионаттың ашылу салтанатына танымал боксшылар Рой Джонс, Василий Жиров, Ермахан Ыбырайымов пен Серік Қонақбаев қатысты. Осы рәсімде америкалық спорт шебері отандастарымыздың рух беру үшін ән айтып, жанкүйерлердің қошеметіне бөленді.

Чемпионатқа еліміздің барлық өңірінен спортшылар қатысып жатыр. Ерлер 13 салмақ дәрежесінде, ал әйелдер 12 салмақ дәрежесінде сынға түседі.

Жекпе-жектер екі рингте болады. Олар бір минуттық үзіліспен 3 минутқа созылатын үш раундтан тұрады. Бұл чемпионатта IBA 10 ұпайлық бағалау жүйесі қолданылады.

Финал 24 желтоқсанда болады.