اڭىزعا اينالعان بوكسشى روي دجونس قازاقستان چەمپيوناتىندا شارشى الاڭعا شىقتى (ۆيدەو)

قاراعاندىدا سەرىك ساپيەۆ بوكس ورتالىعىندا ءوتىپ جاتقان قازاقستان چەمپيوناتىنىڭ اشىلۋ سالتاناتىندا اتى اڭىزعا اينالعان بوكسشى روي دجونس ءان شىرقادى، دەپ حابارلادى Jibek Joly تەلەارناسى.

چەمپيوناتتىڭ اشىلۋ سالتاناتىنا تانىمال بوكسشىلار روي دجونس، ۆاسيلي جيروۆ، ەرماحان ىبىرايىموۆ پەن سەرىك قوناقباەۆ قاتىستى. وسى راسىمدە امەريكالىق سپورت شەبەرى وتانداستارىمىزدىڭ رۋح بەرۋ ءۇشىن ءان ايتىپ، جانكۇيەرلەردىڭ قوشەمەتىنە بولەندى.

چەمپيوناتقا ەلىمىزدىڭ بارلىق وڭىرىنەن سپورتشىلار قاتىسىپ جاتىر. ەرلەر 13 سالماق دارەجەسىندە، ال ايەلدەر 12 سالماق دارەجەسىندە سىنعا تۇسەدى.

جەكپە-جەكتەر ەكى رينگتە بولادى. ولار ءبىر مينۋتتىق ۇزىلىسپەن 3 مينۋتقا سوزىلاتىن ءۇش راۋندتان تۇرادى. بۇل چەمپيوناتتا IBA 10 ۇپايلىق باعالاۋ جۇيەسى قولدانىلادى.

فينال 24 جەلتوقساندا بولادى.