اڭسار نيەتقاليەۆ ەۋروپادا جىلدىڭ ۇزدىك ويىنشىسى اتاندى

14 جاستاعى اڭسار نيەتقاليەۆ ەۋروپا تەننيس قاۋىمداستىعى (Tennis Europe Tour) تاراپىنان «جىلدىڭ ۇزدىك شەتەلدىك ويىنشىسى» اتاندى، دەپ حابارلادى قازاقستان تەننيس فەدەراتسياسى.

اڭسار نيەتقاليەۆ ەۋروپا وداعىنا كىرمەيتىن ەلدەر اراسىنان وزىپ شىقتى.

بيىل ول TE رەيتينگىسىندە جىلدى 41-ورىنمەن اياقتادى.

وسى ماۋسىمدا تەننيسشى جەكەلەي سىندا Soul Cup ((Istanbul، Türkiye، ەكىنشى سانات)، Ankara Cup (Ankara، Türkiye) جانە Ergan Cup (Erzincan، Türkiye، ەكەۋى دە ءۇشىنشى سانات) تۋرنيرلەرىندە جەڭىمپاز اتاندى. وعان قوسا جۇپتىق سىندا ەكى رەت Soul Cup (Istanbul) جارىسىندا تيتۋلدى جەڭىپ الدى. سونداي-اق جەكەلەي سىندا تاعى ەكى تە دوداسىندا فينالعا دەيىن جەتتى.

استانا تەننيس مەكتەبىنىڭ تۇلەگى اڭسار نيەتقاليەۆتىڭ جەكە باپكەرى – مۇحامادامين ەرماتوۆ.  بۇدان بۇرىن وسى اتالىم بويىنشا 2021 جىلى زارا داركەن، 2022 جىلى زاڭعار نۇرلان ۇلى، 2023 جىلى ەۆا كورىشەۆا مەن دانيەل تازابەكوۆ ماراپاتتالعان بولاتىن.