Ańsar Nıetqalıev Eýropada jyldyń úzdik oıynshysy atandy

14 jastaǵy Ańsar Nıetqalıev Eýropa tennıs qaýymdastyǵy (Tennis Europe Tour) tarapynan «Jyldyń úzdik sheteldik oıynshysy» atandy, dep habarlady Qazaqstan tennıs federaııasy.

Ańsar Nıetqalıev Eýropa odaǵyna kirmeıtin elder arasynan ozyp shyqty.

Bıyl ol TE reıtıngisinde jyldy 41-orynmen aıaqtady.

Osy maýsymda tennısshi jekeleı synda Soul Cup ((Istanbul, Türkiye, ekinshi sanat), Ankara Cup (Ankara, Türkiye) jáne Ergan Cup (Erzincan, Türkiye, ekeýi de úshinshi sanat) týrnırlerinde jeńimpaz atandy. Oǵan qosa juptyq synda eki ret Soul Cup (Istanbul) jarysynda tıtýldy jeńip aldy. Sondaı-aq jekeleı synda taǵy eki TE dodasynda fınalǵa deıin jetti.

Astana tennıs mektebiniń túlegi Ańsar Nıetqalıevtiń jeke bapkeri – Muhamadamın Ermatov.  Budan buryn osy atalym boıynsha 2021 jyly Zara Dárken, 2022 jyly Zańǵar Nurlanuly, 2023 jyly Eva Korysheva men Danıel Tazabekov marapattalǵan bolatyn.