Черчесов ұлттық құрамадан кетеді — инсайдер

Станислав Черчесов футболдан Қазақстан ұлттық құрамасының бас жаттықтырушысы қызметінен кетуі мүмкін. Бұл туралы журналист Ермұхамед Мәулен айтты.

Оның айтуынша, Черчесов командадан кетеді. Қазір заңгерлер қазір келісімшартты бұзу жолын қарастырып жатыр. Бас жаттықтырушысы қызметіне екі отандасымыз бен Еуропаның екі маманы қарастырылып жатыр.

Станислав Черчесов жаңа президенттің шешімімен қызметтен кететін болыпты. Қазір заңгерлер Черчесовтың келісімшартын қалай үзсек деп зерттеп жатыр, — деді ол.

Ресей жаттықтырушысының ұлттық құрама командамен келісімшарты 2026 жылғы әлем чемпионатының іріктеу турнирі аяқталғанға дейін жасалған болатын. Екі жақтың келісімі бойынша тағы екі жылға ұзарту мүмкіндігі қарастырылған.

Черчесовтің жетекшілігімен Қазақстан құрамасы Ұлттар лигасында алты матч ойнап, соның біреуінде ғана тең ойнап, қалған бес ойында қарсыластарынан жеңіліп қалды. Ойындардың бәрінде бірде-бір гол сала алмады. Соның салдарынан команда Ұлттар лигасындағы В дивизионынан шығып қалды.

Дастан КЕНЖАЛИН,

АСТАНА