چەرچەسوۆ ۇلتتىق قۇرامادان كەتەدى — ينسايدەر

ستانيسلاۆ چەرچەسوۆ فۋتبولدان قازاقستان ۇلتتىق قۇراماسىنىڭ باس جاتتىقتىرۋشىسى قىزمەتىنەن كەتءۋى مۇمكىن. بۇل تۋرالى جۋرناليست ەرمۇحامەد ماۋلەن ايتتى.

ونىڭ ايتۋىنشا، چەرچەسوۆ كوماندادان كەتەدى. قازىر زاڭگەرلەر قازىر كەلىسىمشارتتى بۇزۋ جولىن قاراستىرىپ جاتىر. باس جاتتىقتىرۋشىسى قىزمەتىنە ەكى وتانداسىمىز بەن ەۋروپانىڭ ەكى مامانى قاراستىرىلىپ جاتىر.

ستانيسلاۆ چەرچەسوۆ جاڭا پرەزيدەنتتىڭ شەشىمىمەن قىزمەتتەن كەتەتىن بولىپتى. قازىر زاڭگەرلەر چەرچەسوۆتىڭ كەلىسىمشارتىن قالاي ۇزسەك دەپ زەرتتەپ جاتىر، — دەدى ول.

رەسەي جاتتىقتىرۋشىسىنىڭ ۇلتتىق قۇراما كوماندامەن كەلىسىمشارتى 2026 جىلعى الەم چەمپيوناتىنىڭ ىرىكتەۋ ءتۋرنيرى اياقتالعانعا دەيىن جاسالعان بولاتىن. ەكى جاقتىڭ كەلىسىمى بويىنشا تاعى ەكى جىلعا ۇزارتۋ مۇمكىندىگى قاراستىرىلعان.

چەرچەسوۆتىڭ جەتەكشىلىگىمەن قازاقستان قۇراماسى ۇلتتار ليگاسىندا التى ماتچ ويناپ، سونىڭ بىرەۋىندە عانا تەڭ ويناپ، قالعان بەس ويىندا قارسىلاستارىنان جەڭىلىپ قالدى. ويىنداردىڭ بارىندە بىردە-ءبىر گول سالا المادى. سونىڭ سالدارىنان كوماندا ۇلتتار ليگاسىنداعى ۆ ديۆيزيونىنان شىعىپ قالدى.

داستان كەنجالين،

استانا