Cherchesov ulttyq quramadan ketedi — ınsaıder

Stanıslav Cherchesov fýtboldan Qazaqstan ulttyq quramasynyń bas jattyqtyrýshysy qyzmetinen ketýi múmkin. Bul týraly jýrnalıst Ermuhamed Máýlen aıtty.

Onyń aıtýynsha, Cherchesov komandadan ketedi. Qazir zańgerler qazir kelisimshartty buzý jolyn qarastyryp jatyr. Bas jattyqtyrýshysy qyzmetine eki otandasymyz ben Eýropanyń eki mamany qarastyrylyp jatyr.

Stanıslav Cherchesov jańa prezıdenttiń sheshimimen qyzmetten ketetin bolypty. Qazir zańgerler Cherchesovtyń kelisimshartyn qalaı úzsek dep zerttep jatyr, — dedi ol.

Reseı jattyqtyrýshysynyń ulttyq qurama komandamen kelisimsharty 2026 jylǵy álem chempıonatynyń irikteý týrnıri aıaqtalǵanǵa deıin jasalǵan bolatyn. Eki jaqtyń kelisimi boıynsha taǵy eki jylǵa uzartý múmkindigi qarastyrylǵan.

Cherchesovtiń jetekshiligimen Qazaqstan quramasy Ulttar lıgasynda alty match oınap, sonyń bireýinde ǵana teń oınap, qalǵan bes oıynda qarsylastarynan jeńilip qaldy. Oıyndardyń bárinde birde-bir gol sala almady. Sonyń saldarynan komanda Ulttar lıgasyndaǵy V dıvızıonynan shyǵyp qaldy.

Dastan KENJALIN,

ASTANA