Jyldyń úzdikteri tórden kórindi

Astanada Týrızm jáne sport mınıstrliginiń uıymdastyrýymen jyl saıynǵy «Úzdik-2024» syılyǵynyń jeńimpazdaryn marapattaý is-sharasy boldy, dep habarlady TSM.

Saltanatty jıynǵa Parlamenttiń depýtattary, Olımpıada chempıondary men júldegerleri, álem chempıondary men medalısteri, halyqaralyq jarystardyń jeńimpazdary men júldegerleri, sport jýrnalısteri qatysty.

Týrızm jáne sport mınıstri Erbol Myrzabosynov 2024 jyl otandyq sport úshin erekshe jyl bolǵanyn atap ótti. Qazaqstan sportshylary bıyl halyqaralyq iri jarystarda tabysty nátıje kórsetse, elimizde iri jarystar uıymdastyryldy.

Bıylǵy jyldyń basty dodasy Parıj Olımpıadasy men Paralımpıada boldy. Bizdiń qurama tarıhı jetistikterge jetti. Dzıýdoshy Eldos Smetov Olımpıada chempıony atandy. Bul – Táýelsiz Qazaqstan tarıhynda dzıýdodan buıyrǵan alǵashqy altyn medal. Gımnastıkadan alǵash ret Olımpıada medalin jeńip aldyq. Ol júlde Narıman Qurbanovqa buıyrdy. Davıd Degtıarev para-paýerlıftıngten eki dúrkin Paralımpıada chempıony atandy. Para-dzıýdoshy Aqmaral Naýatbek Olımpıada shyńyn baǵyndyrdy, – dedi mınıstr.

Sonymen qatar bıyl Astanada V Dúnıejúzilik kóshpendiler oıyny uıymdastyryldy. Kóshpendiler dodasyna 89 eldiń sportshylary qatysty. Qazaqstan quramasy jalpykomandalyq esepte top jardy.

Memleket basshysy Qasym-Jomart Kemeluly Toqaevtyń qoldaýymen sport salasynda oń ózgerister bastaldy. Kelesi jyly otandyq sportshylardy birneshe doda kútip tur. 2025 jyldyń aqpan aıynda sportshylarymyz Qytaıdyń Harbın qalasynda ótetin qysqy Azııa oıyndaryna qatysyp, qysqy Olımpıada lıenzııasy úshin synǵa túsedi. Tarıh qoınaýyna enip bara jatqan 2024 jyly sportshylarymyz jaman nátıje kórsetken joq, jańa jyldan odan da úlken jeńister kútemiz, – dedi Erbol Myrzabosynov.

Jyl qorytyndysy boıynsha «Úzdik» dep tanylǵandar:

🔹 Eldos Smetov, Davıd Degtıarev – «Jyldyń úzdik sportshysy»;

🔹 Ǵalymjan Jylgeldıev, Iýrıı Kolesnıkov – «Jyldyń úzdik jattyqtyrýshysy»;

🔹 Grek-rım, erkin jáne áıelder kúresi federaııasy – «Jyldyń úzdik akkredıttelgen sport federaııasy»;

🔹Qýanyshbek Esekeev, Qazaqstan dzıýdo federaııasynyń prezıdenti – «Jyldyń úzdik akkredıttelgen sport federaııasynyń prezıdenti»;

🔹Erkebulan Ilııasov, «Jamby atý federaııasy» RQB prezıdenti – «Úzdik sport meenaty»;

🔹Kaz Minerals — «Úzdik sport meenaty»;

🔹Ǵızat Túsipaev – «Jyldyń úzdik aýyl jattyqtyrýshysy»;

🔹Erlan Tasbolatov – «Aýyldyq jerdegi úzdik dene shynyqtyrý jáne sport ádiskeri»;

🔹Darhan Sharıǵatov – «Aýyldyq jerdegi úzdik dene shynyqtyrý jáne sport nusqaýshysy»;

🔹Maqat aýdandyq mádenıet, tilderdi damytý, dene shynyqtyrý jáne sport bólimi – «Aýdandyq úzdik dene shynyqtyrý jáne sport bólimi»;

🔹Almaty qalasyndaǵy «Joǵary sport sheberligi mektebi» – «Jyldyń úzdik sport uıymy»;

🔹Jambyl oblysy ákimdiginiń dene shynyqtyrý jáne sport basqarmasy – «Úzdik sporttyq óńir»;

🔹Ilıa Mızernyh – «Jas jáne jasóspirimder quramyndaǵy sportshy»;

🔹Sergeı Sergeev – «Jyldyń úzdik balalar jattyqtyrýshysy»;

🔹Nadejda Kım – «Dene shynyqtyrý jáne sport salasyndaǵy úzdik maman»;

🔹Aqmaral Naýatbek – «Sportta úzdik serpin»;

🔹Jandos Aıtbaıuly («Habar» telearnasy), Qýanysh Nurdanbekuly («Egemen Qazaqstan» gazeti), Nazerke Sultanbek («Sport+» saıty) – Seıdahmet Berdiqulov atyndaǵy syılyqtyń laýreattary.

Bıyl Seıdahmet Berdiqulov atyndaǵy   syılyqtyń laýreaty bolyp,  úzdikter qatarynan kóringenimizge qýanyshtymyn. Baıqaýǵa «Egemen Qazaqstan» gazetinde jarııalanǵan maqalamyzdy usynyp, júldeli boldyq. Bıikten kórinýimizge ujymnyń sebi mol. Qoldaǵan barlyq áriptesterime alǵys aıtamyn, — dedi Qýanysh Nurdanbekuly.