Qazaqstan U-17 quramasy Damý kýbogyn jeńispen bastady

17 jasqa deıingi Qazaqstan jasóspirimder quramasy Belarýstiń Mınsk qalasynda bastalǵan Damý kýbogy halyqaralyq týrnıriniń alǵashqy oıynynda jeńiske jetti, dep habarlady Qazaqstan fýtbol federaııasy.

Baýyrjan Saǵyndyq jattyqtyratyn qurama komanda alǵashqy matchta Iran jasóspirimderimen kezdesip, 2:0 esebimen jeńdi. Bizdiń komanda sapynan Abylaı Tóleýhan men Dáýlet Orynbasar qarsylastardyń qaqpasyn dál kózdep, kózge tústi.

Damý Kýbogy jarysyna segiz komanda qatysyp jatyr. Komandalar eki topqa bólindi. «B» tobynda bizdiń komanda Iran, Tájikstan jáne Reseı quramalarymen oınaıdy. «A» toby Belarýs, О́zbekstan, Ázerbaıjan jáne BSA Academy komandalarynan turady.

Iran U-17 – Qazaqstan U-17 – 0:2 (0:1)

Goldar: Tóleýhan 26, Orynbasar 62

Qazaqstan U-17: Bých (q), Trýbın, Kalıkýlov, Keńesbekov, Jeksenbek (k), Mahmudov, Musaev, Nurbolat, Orynbasar, Tóleýhan, Moldaǵalıev;

Qosalqy quram: Tóleýbek (q), Sansyzbaı, Ibadýlla, Ismaǵulov, Álı, Nazarov, Gezık, Ýálıhan, Pak;

Aǵa jattyqtyrýshy: Baýyrjan Saǵyndyq

16.02.2025. ABFF maneji, Mınsk, Belarýs.