SportPress.kz قازاقستان سپورت جاڭالىقتارى
قازاقستان قۇراماسى كوركەم گيمناستيكادان گرەكيادا وتكەن Aphrodite Cup حالىقارالىق تۋرنيرىندە ءساتتى ونەر كورسەتتى، دەپ حابارلادى olympic.kz.
وتانداستارىمىز 9 التىن، 5 كۇمىس جانە 1 قولا مەدال جەڭىپ الدى.
ەرەسەكتەر اراسىنداعى جارىستا ەريكا جايلاۋوۆا كوپسايىستا، تاسپامەن جاتتىعۋدا ءبىرىنشى ورىن الدى. ال دوپپەن جاتتىعۋدا ەكىنشى ناتيجە كورسەتتى. ميلانا پارفيلوۆا شىعىرشىقپەن جاتتىعۋدا تەڭدەسسىز ونەر كورسەتتى. ايىم مەيىرجانوۆا تاسپامەن جاتتىعۋدا ەكىنشى، كوپسايىستا ءۇشىنشى ورىن الدى.
توپتىق جاتتىعۋلاردا قازاقستان قۇراماسى ەكى التىن جانە ءبىر كۇمىس مەدال جەڭىپ الدى.
جاسوسپىرىمدەر اراسىندا اقمارال ەرەكەشەۆا ءۇش التىن (كوپسايىس، دوپپەن جانە تاسپامەن جاتتىعۋ) جانە ەكى كۇمىس (شىعىرشىق جانە شوقپار تاياقشالارىمەن جاتتىعۋ) مەدال يەلەندى.
رىسبەك ايعانىم كوپسايىستا التىن مەدال جەڭىپ الدى.
