Gımnastar Grekııadaǵy týrnırde toǵyz altyn medal jeńip aldy

Qazaqstan quramasy kórkem gımnastıkadan Grekııada ótken Aphrodite Cup halyqaralyq týrnırinde sátti óner kórsetti, dep habarlady olympic.kz.

Otandastarymyz 9 altyn, 5 kúmis jáne 1 qola medal jeńip aldy.

Eresekter arasyndaǵy jarysta Erıka Jaılaýova kópsaıysta, taspamen jattyǵýda birinshi oryn aldy. Al doppen jattyǵýda ekinshi nátıje kórsetti. Mılana Parfılova shyǵyrshyqpen jattyǵýda teńdessiz óner kórsetti. Aıym Meıirjanova taspamen jattyǵýda ekinshi, kópsaıysta úshinshi oryn aldy.

Toptyq jattyǵýlarda Qazaqstan quramasy eki altyn jáne bir kúmis medal jeńip aldy.

Jasóspirimder arasynda Aqmaral Erekesheva úsh altyn (kópsaıys, doppen jáne taspamen jattyǵý) jáne eki kúmis (shyǵyrshyq jáne shoqpar taıaqshalarymen jattyǵý) medal ıelendi.

Rysbek Aıǵanym kópsaıysta altyn medal jeńip aldy.