وتانداسىمىز اقش-تا توپ جاردى

اقش-تىڭ لوس-اندجەلەس قالاسىندا وتكەن حالىقارالىق تاەكۆوندو جارىسىندا ادىلەت بازارباەۆ التىن مەدال جەڭىپ الدى.

17 مامىردا اقش-تىڭ لوس-اندجەلەس قالاسىندا ورنالاسقان Industry Hills Expo Center-دە «International Taekwondo Fest 2025» ءتۋرنيرى بولدى. بۇل جارىسقا الەمنىڭ ءار تۇكپىرىنەن كەلگەن 300-دەن اسا سپورتشى قاتىسىپ، ءوزارا مىقتىنى انىقتادى.

وعان قازاقستان اتىنان قاتىسقان ادىلەت بازارباەۆ ەرەكشە كوزگە ءتۇسىپ، 63 كگ سالماق دارەجەسىندە التىن مەدال جەڭىپ الدى. ول ءۇش بىردەي قارسىلاسىن جەڭىپ، شەبەرلىگى مەن مىقتى دايىندىقتىڭ ناقتى ۇلگىسىن كورسەتتى.

العاشقى جەكپە-جەكتە Taha Khozema KHAMBATI-مەن كەزدەسىپ، سەنىمدى تۇردە جەڭىسكە جەتتى.

ەكىنشى اينالىمدا Stanley LOPEZ-پەن تارتىستى كەزدەسۋدە باسىمدىق تانىتتى.

فينالدا Alden RYU-مەن بولعان شەشۋشى جەكپە-جەكتە جەڭىستى ج ۇلىپ الىپ، ءبىرىنشى ورىندى قانجىعاسىنا بايلادى.

ادىلەتتىڭ بۇل جەڭىسى — تەك ونىڭ جەكە جەتىستىگى عانا ەمەس، سونىمەن قاتار قازاق تاەكۆوندوسىنىڭ حالىقارالىق ارەناداعى بەدەلىن ارتتىراتىن ماڭىزدى قادام. ونىڭ تاباندىلىعى مەن سپورتقا دەگەن جاۋاپكەرشىلىگى جاس بۋىنعا ۇلگى بولارى ءسوزسىز.

2025 جىلعى International Taekwondo Festival (ITF) — اقش-تاعى ەڭ بەدەلدى جانە اۋقىمدى تاەكۆوندو جارىستارىنىڭ ءبىرى. بۇل فەستيۆال تەك سپورتتىق جارىس قانا ەمەس، سونىمەن قاتار حالىقارالىق مادەني الماسۋ مەن دوستىقتى نىعايتاتىن ماڭىزدى پلاتفورما.

فەستيۆالگە الەمنىڭ تۇكپىر-تۇكپىرىنەن كەلگەن سپورتشىلار مەن كوماندالار قاتىسادى. مەكسيكا ۇلتتىق قۇراماسىنىڭ مۇشەسى داميان ۆيللا بۇل جارىستى «الەمدىك دەڭگەيدەگى سپورتشىلارمەن باسەكەلەسۋگە مۇمكىندىك بەرەتىن ەرەكشە ءىس-شارا» دەپ سيپاتتايدى.

 

نۇرشاحريزادا ساليموۆا،

تاراز