«رولان گارروس»: بۋبليك سەنساتسيا جاساپ، العاش رەت ءۇشىنشى اينالىمعا شىقتى

قازاقستاننىڭ ءبىرىنشى، الەمنىڭ 62-راكەتكاسى الەكساندر بۋبليك «رولان گارروس» تۋرنيرىندە كامبەك جاساپ، العاش رەت ءۇشىنشى اينالىمىنا شىقتى، دەپ حابارلادى قازاقستان تەننيس فەدەراتسياسى.

ول فرانتسيا اشىق چەمپيوناتىنداعى ەكىنشى ويىنىن الەمنىڭ 9-راكەتكاسى، اۆستراليالىق الەكس دە ميناۋرعا قارسى وتكىزدى.

بۋبليك وسى كەزگە دەيىن «رولان گارروستا» ءۇشىنشى اينالىمعا شىعىپ كورمەگەن ەدى.

باستاپقى ەكى پارتيا 6:2 ەسەبىمەن اۆستراليالىق تەننيسشىنىڭ پايداسىنا شەشىلدى. ءۇشىنشى سەتتە بۋبليك 3:0 ەسەبىمەن العا شىققانىمەن، باسىمدىلىقتى ۇستاپ تۇرا المادى. ەسەپ — 4:4. دەگەنمەن ول تاعى ءبىر برەيك جاساپ، ەسەپتى 6:4 ەتتى.

ءتورتىنشى پارتيادا ەسەپ 2:1 بولعان كەزدە تەننيسشى برەيك جاساي الدى. ەسەپ — 3:1. سودان كەيىن 6:3 ەتىپ، سەتتى ادەمى اياقتادى.

بۋبليك بەسىنشى، شەشۋشى سەتتى برەيكپەن باستادى. ەسەپ — 2:0. تاعى ءبىر برەيك. بۇل جولى ەسەپ 4:1 بولدى. سوسىن ماتچقا دوپ بەرگەندە، مۇمكىندىگىن جىبەرگەن جوق. قورىتىندى ەسەپ — 6:2.

الەكساندر بۋبليك ءتورتىنشى اينالىمعا شىعۋ ءۇشىن الەمنىڭ رەيتينگىدە 200-ساتىداعى پورتۋگاليالىق ەنريكە روشامەن وينايدى.