Нора Джеруто — екі дүркін Азия чемпионы!

Жеңіл атлетикадан Гумиде (Оңтүстік Корея) өтіп жатқан Азия чемпионатында ел қоржынына үшінші алтын медаль түсті, деп хабарлады Туризм және спорт министрлігі Спортты дамыту дирекциясының баспасөз қызметі.

5 000 метр қашықтыққа жүгіруде Қазақстанның тұңғыш әлем чемпионы Нора Джеруто қарсыластарынан қара үзіп, топ жарды. Ол осымен биылғы додада екінші рет алтын жүлдені жеңіп алды.

Нора Джеруто кеше де 3 000 метрге жүгіруде чемпион атанған болатын.

Бұған дейін 5 000 метр қашықтықтықта елімізден ешкім Азия чемпионатынан орын алып көрмеген еді.

1.Нора Джеруто — 14:58.71

2.Парул Чаудхари — 15:15.33

3.Юма Ямамото — 15:16.86