نيدەرلاندتاعى تۋرنيردە بەس قازاق بوكسشىسى فينالعا شىقتى

نيدەرلاندتىڭ ەيندحوۆەن قالاسىندا بوكستان Eindhoven Cup حالىقارالىق ءتۋرنيرى بولىپ جاتىر. وسىدان بىرنەشە كۇن بۇرىن باستالعان دوداعا قازاقستان قۇراما كومانداسى دا قاتىسۋدا.

قولدا بار مالىمەتكە قاراعاندا، كەشە ۇلتتىق قۇرامانىڭ سەگىز بوكسشى جارتىلاي فينالعا شىقتى. ولاردىڭ اراسىنان بەسەۋى فينالعا جولداما السا، ۇشەۋى قولا جۇلدەنى قاناعات تۇتتى.

جەكپە-جەكتەردىڭ ناتيجەسى:  

50 كگ. دانيال ءسابيت (قازاقستان)  رەدۋان اسساينى (بەلگيا) نوكاۋتپەن جەڭدى.

65 كگ. ەرتۋگان زەينۋللينوۆ (قازاقستان) پەن الي ابدۋللاەۆتىڭ (ازەربايجان) جەكپە-جەگىندە تورەشىلەردىڭ باسىم بولىگى جەڭىستى قازاق بوكسشىسىنا بەردى.

70 كگ. ابىلايحان ءجۇسىپوۆ (قازاقستان) پەن اناس كاددۋريدىڭ (بەلگيا) ايقاستا تورەشىلەردىڭ ءبىراۋىزدان شەشىمىمەن فينالعا وتانداسىمىز شىقتى.

75 كگ. سابىرجان اققالىقوۆ (قازاقستان) پەن دجامال كۋليەۆتىڭ (ۋكراينا) جەكپە-جەگى دە تارتىستى بولدى. بۇل سىندا كۋليەۆ فينالعا شىقتى.

80 كگ. ەراسىل جاكپەكوۆ (قازاقستان) پەن يدە سيلاستىڭ (دانيا) دا ايقاسى اسا قىزىقتى بولىپ، تورەشىلەردىڭ ءبىراۋىزدان شەشىمىمەن فينالعا قازاق سپورتشىسى جولداما الدى.

85 كگ. داۋلەت تولەمىسوۆ (قازاقستان) يدريس لەگاناستى (بەلگيا) ايقىن باسىمدىقپەن جەڭدى.

90 كگ. ساعىندىق توعامباي (قازاقستان) تۋرابەك حابيبۋللاەۆتان وزبەكستان) جەڭىلدى.

90 كەلىدەن اسا سالماقتا نۇرلان ساپارباي (قازاقستان) يدريس شونۋبيدەن (بەلگيا) ايلاسىن اسىردى.

حالىقارالىق تۋرنير 6-9 ماۋسىم ارالىعىندا بولادى.

داستان كەنجالين،

استانا