Nıderlandtaǵy týrnırde bes qazaq boksshysy fınalǵa shyqty

Nıderlandtyń Eındhoven qalasynda bokstan Eindhoven Cup halyqaralyq týrnıri bolyp jatyr. Osydan birneshe kún buryn bastalǵan dodaǵa Qazaqstan qurama komandasy da qatysýda.

Qolda bar málimetke qaraǵanda, keshe ulttyq quramanyń segiz boksshy jartylaı fınalǵa shyqty. Olardyń arasynan beseýi fınalǵa joldama alsa, úsheýi qola júldeni qanaǵat tutty.

Jekpe-jekterdiń nátıjesi:  

50 kg. Danııal Sábıt (Qazaqstan)  Redýan Assaıny (Belgııa) nokaýtpen jeńdi.

65 kg. Ertýgan Zeınýllınov (Qazaqstan) pen Alı Abdýllaevtiń (Ázerbaıjan) jekpe-jeginde tóreshilerdiń basym bóligi jeńisti qazaq boksshysyna berdi.

70 kg. Abylaıhan Júsipov (Qazaqstan) pen Anas Kaddýrıdiń (Belgııa) aıqasta tóreshilerdiń biraýyzdan sheshimimen fınalǵa otandasymyz shyqty.

75 kg. Sabyrjan Aqqalyqov (Qazaqstan) pen Djamal Kýlıevtiń (Ýkraına) jekpe-jegi de tartysty boldy. Bul synda Kýlıev fınalǵa shyqty.

80 kg. Erasyl Jakpekov (Qazaqstan) pen Ide Sılastyń (Danııa) da aıqasy asa qyzyqty bolyp, tóreshilerdiń biraýyzdan sheshimimen fınalǵa qazaq sportshysy joldama aldy.

85 kg. Dáýlet Tólemisov (Qazaqstan) Idrıs Leganasty (Belgııa) aıqyn basymdyqpen jeńdi.

90 kg. Saǵyndyq Toǵambaı (Qazaqstan) Týrabek Habıbýllaevtan О́zbekstan) jeńildi.

90 keliden asa salmaqta Nurlan Saparbaı (Qazaqstan) Idrıs Shonýbıden (Belgııa) aılasyn asyrdy.

Halyqaralyq týrnır 6-9 maýsym aralyǵynda bolady.

Dastan KENJALIN,

ASTANA