«Qaırat» klýbyna brazılııalyq fýtbolshy qosyldy

Brazılııanyń fýtbolshysy Edmılson de Paýla Santos Fılo Almatynyń «Qaırat» fýtbol klýbnyń qataryna qosyldy. 

Klýbtyń baspasóz qyzmetiniń habarlaýynsha, kelisimshart 2027 jyldyń maýsymyna deıin jasaldy.

Edmılson de Paýla Santos Fılo San-Paýlý shtatynda týǵan. Ol 28 jasta. Boıy – 190 sm, salmaǵy – 80 kg.

Fýtbolshy alǵash ret jasyl alańǵa «Velo Klýb» komandasynyń sapynda shyqqan. 2019 jyldan 2023 jylǵa deıin Portýgalııanyń «Marko 09» men «Vılaverdense» klýbtarynda oınady.

Fýtbolshy ótken maýsymda «elemen» birge Konferenııa lıgasynyń shırek fınalyna deıin jetti. «Nıý Seıtnske»-ke qarsy oıynda eki gol soǵyp, kózge tústi. Bul týrnırde slovenııalyq komanda ıtalııalyq «Fıorentınadan» jeńilip, jarysty aıaqtaǵan bolatyn, — delingen habarlamada.

Edmılson Slovenııada eki maýsymda 73 ret oınap, 19 gol salyp, 8 nátıjeli pas bergen. Odan basqa Slovenııa Birinshi lıgasy men Slovenııa kýbogyn jeńip alǵan.

«Qaırat» klýbynyń málimetine qaraǵanda, ol jaqyn arada Taldyqorǵannyń «Jetisý» komandasyna qarsy oınaýy múmkin.

Dastan KENJALIN,

ASTANA