Paravoleıbolshylar alǵash ret Azııa chempıony atandy

Qytaıdyń Hanchjoý qalasynda voleıboldy otyryp oınaýdan Qazaqstan quramasy  Azııa chempıony boldy, dep habarlady QazAqparat.

Qazaqstan komandasy fınalda Qytaı quramasymen altyn júldeni sarapqa saldy.

Alǵashqy eki partııada alań ıeleri 25:15, 25:19 esebimen basym tústi.

Úshinshisinde otandastarymyz 25:19 esebimen ese qaıtardy.

Tórtinshi sette aldymen qytaılyqtar 10:5 esebimen alǵa shyqty. Degenmen Baýyrjan Tahaýovtyń komandasy tarazy basyn teńestirip, 25:20 esebimen jeńdi.

Besinshi partııada qytaılyqtar Qazaqstan jasaǵyn toqtata almady. Ulttyq qurama 15:8 esebimen jeńiske jetti. Qorytyndy esep – 3:2.

Osylaısha, voleıboldy otyryp oınaýdan Qazaqstan quramasy kambek jasap, alǵash ret óz tarıhynda Azııa chempıony atandy.

Qazaqstan quramasynyń bas jattyqtyrýshysy Baýyrjan Tahaýov óz komandasyna rıza ekenin, jigitterdiń jaqsy oıyn órnegin kórsete bilgenin aıtty.

Byltyr Parıj Paralımpıadasyna qatysyp, besinshi orynǵa taban tiregen qurama bıyl osyndaı tarıhı tabysqa jetip otyr.