ساكەن مۇسايبەكوۆ «بارىس» حوككەي كلۋبىن باسقارادى

«بارىس» حوككەي كومانداسىنىڭ باس ديرەكتورى قىزمەتىنە ساكەن مۇسايبەكوۆ تاعايىندالدى، دەپ حابارلادى قازاقپارات.

ساكەن جۇنىسبەك ۇلى 1967 جىلى سولتۇستىك قازاقستان وبلىسىندا تۋعان. ۆ.ي.لەنين اتىنداعى قازاق پوليتەحنيكالىق ينستيتۋتىن، قازاق مەملەكەتتىك باسقارۋ اكادەمياسىن بىتىرگەن.

ءار جىلدارى پارلامەنت ءماجىلىسى توراعاسىنىڭ كومەكشىسى، مەملەكەتتىك كىرىس ءمينيسترىنىڭ كەڭەسشىسى، قارجى مينيسترلىگى اكىمشىلىك دەپارتامەنتىنىڭ ديرەكتورى، كولىك جانە كوممۋنيكاتسيا مينيسترلىگى اۆتوموبيل جولدارى كوميتەتىنىڭ «قازاقاۆتوجول» رمك باس ديرەكتورىنىڭ ورىنباسارى، قارجى مينيسترلىگى اپپاراتىنىڭ باسشىسى، كولىك جانە كوممۋنيكاتسيا ۆيتسە-ءمينيسترى بولىپ، وزگە دە سالالاردا قىزمەت اتقارعان.

ساكەن مۇسايبەكوۆ سپورت سالاسىندا باسشىلىق قىزمەتتە بولعان. بۇعان دەيىن ساكەن جۇنىسبەك ۇلى قازاقستان حوككەي فەدەراتسياسى باس ديرەكتورى بولىپ جۇمىس ىستەگەن، — دەلىنگەن حابارلامادا.

ءساۋىر ايىندا نۇرلان ورازباەۆ «بارىس» كومانداسىنىڭ باس ديرەكتورى قىزمەتىنەن كەتتى.

بيىل «بارىس» قۇرلىقتىق حوككەي ليگاسىندا ناشار وينادى. كوماندا شىعىس كونفەرەنتسياسىندا 12 ورىن الىپ، 68 ويىننان كەيىن نەبارى 35 ۇپاي جينادى.