Almaty ارناسى ۇيىمداستىرعان الامان

«ادامزات ءبوز بەرمەيدى ءسوز بەرەدى»، دەگەن ەكەن اتا—بابامىز. قازىرگى اقپارات جۇيەلەرى توعىسىپ، وقىرمان قاۋىمعا اعىنى تاسقىنداپ جاتقان زاماندا باق وكىلدەرىنىڭ قىزمەتى ەسەلەي تۇسۋدە. ءسوز تىرشىلىكتىڭ قۇرالى بولسا، سول ءسوز قۇدىرەتىنىڭ تونىن تەرىس اينالدىرىپ وقىرماننىڭ نازارىنا جەتكىزىپ جاتقان قالامگەرلەردىڭ ەڭبەگى ادال دەپ بىلەمىز. ءباسپاسوز بەن تەلەديداردىڭ قازاق قوعامىنداعى ءرولى ەرەكشە. ونى كوزى اشىق كوركىرەگى وياۋ وقىرمان جاقسى بىلەدى. احمەت بايتۇرسىنوۆشا ايتقاندا «گازەت حالىقتىڭ كوزى، قۇلاعى ءhام ءتىلى» بولسا، اقپارات قۇرالدارى قوعامنىڭ ايناسى. سوندىقتاندا ءباسپاسوز وكىلدەرىنىڭ مەرەكەلىك كۇنى دە ەستەن شىعارىلماي ءوز دەڭگەيىندە اتالىپ ءوتىپ جاتسا نۇر ۇستىنە نۇر بولماق.

كەزىندە قازاق سپورت جۋرناليستيكاسىنىڭ اتاسى سەيداحمەت بەردىقۇلوۆ پەن بەلگىلى سپورت قالامگەرى ارىستان ءساريننىڭ اتىندا جۋرناليستەر اراسىندا ءدۇبىرلى جارىستار ءوتىپ تۇراتىن. ول جارىستى ءتىپتى، قالا تۇرعىندارى توپتاسىپ كەلىپ تاماشالايتىن. سول الامان جارىستاردا التىنبەك سارسەنباەۆ، نۇرتورە ءجۇسىپ، دياس وماروۆ، بۇركىت اياعان سەكىلدى ەلىمىزگە بەلگىلى تانىمال ازاماتتار دوپ تەۋىپ، ويىن كورىگىن قىزداراتىن. اسىرەسى، التىنبەك اعامىزدىڭ ورتادان سالعان فينتتەرىنە جانكۇيەرلەر ۇلكەن قوشامەتپەن قول سوعۋشى ەدى. جاسىل الاڭنىڭ شەتىندە جايعاسىپ الىپ، تارتىستى ويىنداردى تاماشالاپ وتىراتىن اقسامايلى اعالاردىڭ ايعايى قۋات بەرىپ، ويىنشىلاردىڭ رۋحىن اسقاقتاتۋشى ەدى. سوندا الاڭ شەتىنەن دۋالات يسابەكوۆ، عازيزبەك ءتاشىمباي، اشىربەك كوبىش، رابات جانىبەك، جۇمابەك كەنجالين سەكىلدى ەلگە بەلگىلى جازۋشى، جۋرناليستەردى كورىپ ريزا بولساق، تيمۋر سەگىزباەۆ، قۇرالبەك ورداباەۆ، سەيىلدا بايشاقوۆ سىندى قازاق فۋتبولىندا اتتارى التىن ارىپتەرمەن جازىلىپ قالعان فۋتبول ارداگەرلەرى جۋرناليستەردىڭ اراسىنان توپجارعان جەڭىمپازدارىن ءوز قولدارىمەن ماراپاتتاپ جاتاتىن. ول كۇندەر دە كەلمەسكە كەتىپ، تاريح قويناۋىنا ەنىپ كەتتى. ەندى سول جۋرناليستەر اراسىنداعى ارىستان سارين اتىنداعى تۋرنير كوپ جىلدان بەرى وتپەيتىن بولسا، سەيداعاڭنىڭ اتىنداعى جارىس استاناعا اۋىپ كەتكەلى بەرى قىزىعىن بىرگە الا كەتكەندەي اسەر قالدىرادى. نەگىزى سەيداعاڭ بار شىعارماشىلىق عۇمىرىن الماتىدا وتكىزگەنىن بىلەمىز. ونىڭ ۇستىنە الماتى ادەبيەت پەن مادەنيەتتىڭ ورتالىعى بولعاندىقتان، وڭتۇستىك قالادا ءوتۋدىڭ ماڭىزى زور ەدى. وكىنىشكە قاراي، الماتىلىقتار سەيداعاڭنىڭ ءتۋرنيرىن تەلەديداردان جىلت ەتكەن جاڭالىق ارقىلى عانا قىزىقتاۋعا ءماجبۇر بولىپ وتىر. ال، جۋرناليستەر ءۇشىن شاعىن فۋتبولدان ۇيىمداستىرىلاتىن جارىستاردىڭ ءمان-ماعىناسى وتە زور. ويتكەنى، اقپارات ايدىنىندا جۇرگەن قالامگەرلەردىڭ ءبىر-بىرىمەن ارالاسىپ، سىرلاسىپ، شەر تارقاسىپ قايتۋى ءۇشىن ءدۇبىرلى وتەر جارىستاردىڭ ورنى ايىرىقشا. مىنە، وسىنداي جارىستاردى اڭساپ جۇرگەن قالامگەرلەر ءۇشىن جۋىردا الماتى قالاسىنداعى اسكەريلەر ورتالىعىنداعى جاسىل الاڭدا وتكەن جارىس قالامگەرلەردى قايتا ءبىر قاۋىشتىرعان قۋانىشتى كۇن بولدى.

قالامى مەن ميكروفونىن قولىنا ۇستاعان جۋرناليستەر قاۋىمىنىڭ قوعامداعى بولىپ جاتقان وقيعالاردى سياسىن سۋىتپاي جارىققا شىعارىپ جاتقان ەڭبەكتەرىن ەلەمەۋ مۇمكىن ەمەس. الماتى قالاسى اكىمشىلىگى مەن اlmaty تەلەارناسى بىرىگىپ، جۋرناليستەر مەرەكەسىن نازاردان تىس قالدىرماي جاقسى ءبىر سپورتتىق ءىس-شارانى ۇيىمداستىرۋعا ۇيىتقى بولعان ەكەن. وزدەرىنىڭ كاسىبي مەرەكەسىن ۇمىت قالدىرماي ەسكەرىپ، ۇلكەن ءبىر سپورتتىق جارىستى وتكىزۋگە مۇرىندىق بولعان ايتۋلى ۇيىمداستىرۋشىلار القاسىنا جارىسقا كەلگەن قالامگەرلەر ءدان ريزاشىلىقتارىن  بىلدىرىپ جاتتى.

سونىمەن شاعىن فۋتبولدان ۇيىمداستىرىلعان جارىسقا الماتى قالاسىنداعى بارلىق بۇقارالىق اقپارات قۇرالدارىنىڭ كومانداسى كەلىپ قاتىستى. ءتىپتى، سوناۋ تالدىقورعاننان جۋرناليستەر اراسىندا ءوتىپ تۇراتىن جارىستاردان قالىس قالماي كەلىپ قاتىسىپ تۇراتىن «حارەكەت» جۋرناليستەر كومانداسى دا كەلىپ باعىن سىنادى.

جارىستىڭ سالتاناتتى اشىلۋىنا الماتى قالاسى اكىمىنىڭ ورىنباسارى ازامات بەسكەمپىر ۇلى قالدىبەكوۆ، قالا اكىمىنىڭ كوممۋنيكاتسيالار جونىندەگى كەڭەسشىسى، ءباسپاسوز حاتشى يلزات شۇحرات ۇلى اكچۋرين، Almaty تەلەارناسىنىڭ باس ديرەكتورى تيمۋر تالعات ۇلى بازارباەۆ، Almaty تەلەارناسىنىڭ باس پروديۋسەرى راليدا مەڭدىگەرەيقىزى مۇقانوۆا، الماتى قالاسى قوعامدىق دامۋ باسقارماسىنىڭ باسشىسى ايدار راحىمجان ۇلى ەسەنبەكوۆ مەن باسقا دا ازاماتتار قاتىسىپ، جارىسقا قاتىسۋشى قالامگەرلەردى ءتول مەرەكەسىمەن قۇتتىقتاپ، جەڭىس تىلەدى. سالتاناتتى اشىلۋى ءراسىمى اياقتالعاننان كەيىن، ەكى توپقا بولىنگەن كوماندالار تورەشىلەردىڭ ىسقىرىعىمەن ويىندارىن باستاپ كەتتى.

ۇيىمداستىرۋشىلار ءتىپتى جۋراناليستتەرگە ارناپ تۇسكى اس قامىن دا ازىرلەپ قويعان ەكەن. ويىن الاڭىنان تەرلەپ-تەپشىپ شىققان ويىنشىلار ءسال دەم الىپ العاننان كەيىن، ءدامى ءتىل ۇيىرەر ىستىق پالاۋدان ءدام تاتىپ، جۇرەك جالعاپ الىپ قايتا ويىن الاڭىنا شاپقىلاپ شىعىپ جاتتتى. قالامگەرلەردىڭ قامىن قاراستىرىپ، جاعداي تۋعىزىپ بەرىپ وتىرعان وسىنداي الماتى قالاسى اكىمشىلىگى مەن Almaty تەلارناسىنىڭ ۇجىمىنا بۇل كۇنى قاتىسۋشىلاردىڭ ايتار العىسى شەكسىز بولدى. حوش، سونىمەن اپتاپ ىستىققا قاراماي كۇنى بويى جاسىل الاڭدا شۇمەكتەپ تەر توككەن جۋرناليستەردىڭ اراسىنان وزا شىققاندارى دا بەلگىلى بولدى. سىن الاڭىنا شىققان 9 كوماندا اراسىنان توپ جارىپ شىققان «حارەكەت» كومانداسى باس جۇلدەنى يەلەنسە، «اۋىل» كومانداسى ەكىنشى ورىندى، «سەنتانتا سپورت» كومانداسى جۇلدەلى ءۇشىنشى ورىندى جەڭىپ الدى. تۋرنير جەڭىمپازدارى مەن جۇلدەگەرلەرىن الماتى قالاسى اكىمىنىڭ ورىنباسارى ازامات بەسكەمپىر ۇلى قالدىبەكوۆ، قالا اكىمىنىڭ كوممۋنيكاتسيالار جونىندەگى كەڭەسشىسى، ءباسپاسوز حاتشى يلزات شۇحرات ۇلى اكچۋرين، Almaty تەلەارناسىنىڭ باس ديرەكتورى تيمۋر تالعات ۇلى بازارباەۆ مەن Almaty تەلەارناسىنىڭ باس پروديۋسەرى راليدا مەڭدىگەرەيقىزى مۇقانوۆا ءوز قولدارىمەن جەڭىس كۋبوكتارى مەن قارجىلاي قوماقتى جۇلدەلەردى تابىس ەتىپ، قۇتتىقتادى.

ءتۋرنيردىڭ «ۇزدىك ويىنشى»، «ۇزدىك شابۋىلشى» «ۇزدىك قاقپاشى»، «ۇزدىك قورعاۋشى» دەگەن اتاقتارىنا لايىقتى ويىنشىلار ورتاعا شىعىپ قۇرمەتپەن ماراپاتاتتالدى. وسىلايشا كۇن ۇزاق جاسىل الاڭدا تارتىستى وتكەن تۋرنير سالتاناتپەن جابىلىپ، قالامگەرلەر ۇيىنە كوڭىلدى كۇيمەن تارقاستى.

باق وكىلدەرىنىڭ باسىن قوسىپ شەكسىز قۋانىش سىي ەتىپ، سالاۋىتتىلىققا جەتەلەيتىن مۇنداي جارىس ەستە قالارى ءسوزسىز.

اقىن ورداباي ۇلى،

الماتى