SportPress.kz Qazaqstan sport jańalyqtary
Halyqaralyq dzıýdo federaııasy (IJF) Majarstannyń astanasy — Býdapesht ótken álem chempıonatynan keıin dzıýdoshylardyń álemdik reıtıngin jańartty, dep habarlady Týrızm jáne sport mınıstrliginiń baspasóz qyzmeti.
Dúnıejúzilik uıymnyń reıtıngine sáıkes, úsh otandasymyz óz salmaǵynda TOP-10 palýannyń qataryna qosylyp otyr. Máselen, otandyq dzıýdo tarıhynda áıelder arasynda alǵash ret fınalda beldesip, kúmis júldeger atanǵan Ábıba Abýjaqynova (48 kg) reıtıngte eki satyǵa joǵarylap, 5662 upaımen ekinshi orynǵa jaıǵasty.
Erler arasynda Parıj Olımpıadasynyń chempıony, álem chempıony Eldos Smetov (9-oryn) bıyl tatamıge shyqpasa da, áli de jer-júziniń eń úzdik 10 dzıýdoshynyń qatarynda tur. Sondaı-aq Parıj Olımpıadasynyń qola, álem chempıonatynyń kúmis júldegeri Ǵusman Qyrǵyzbaev álemdik dodadaǵy nátıjesine baılanysty reıtıngte 7 saty kóterilip, TOP-10 palýannyń qataryna qosyldy, — delingen habarlamada.
Budan bólek, 60 kg salmaqtaǵy Maǵjan Shamshadın 19-orynǵa kóterilse, Abylaıhan Jubanazar (81 kg) men Nurlyhan Sharhan (100 kg) reıtıngtegi oryndaryn saqtap qaldy.
Abylaıhan 14-orynda, Nurlyhan 26-orynda tur. Álem chempıonatynda 90 kelide beldesken Meıirlan Maksım birden 36 saty kóterilip, 41-orynǵa joǵarylady. Ol dúrmekti dodanyń 1/8 fınalynda tórt dúrkin álem chempıony (úsheýi komandalyq saıysta) japonııalyq Gokı Tadzımadan jeńilip qalǵan.
100 keliden joǵary salmaqta beldesetin Erasyl Qajybaev ta álem chempıonatynan keıin jaǵdaıyn jaqsartyp aldy. Reıtıngte 7 satyǵa joǵarylap, TOP-20 dzıýdoshynyń qataryna qosyldy.
