اقىن ورداباي اسقارالى الپىس جاسقا كەلدى

بۇقارالىق اقپارات قىزمەتكەرلەرى كۇنىمەن بىرگە مەنىڭ ارىپتەسىم، دوسىم، اعام، زامانداسىم اقىن وردابايدىڭ جەكە مەرەكەسى — كوپتەن كۇتكەن مەرەيتويى دا كەلىپ جەتتى.

60 جاس! ەل اعاسى جاسى! تاماشا سان!

سپورت سالاسىندا جۇرگەن ازاماتتار قاتارىندا اقىندى بىلمەيتىن جان جوق شىعار.

ءوز ءومىرىن 30 جىلدان استام سپورت جۋرناليستيكاسىنا «قيعان» تۇلعا بۇگىندە ءوز جەمىسىن كورۋدە: س. بەردىقۇلوۆ اتىنداعى جۇلدەنىڭ لاۋرەاتى، قاندى جەلتوقسان قوزعالىسىنىڭ سىيلى ارداگەرى، قوعام قايراتكەرى، جازۋشى، 10-عا جۋىق كىتاپتىڭ اۆتورى.

2025 جىلدىڭ 28 ماۋسىمى ەرەكشە كۇن بولدى. شاعىن فۋتبولدان ارداگەرلەر اراسىنداعى تۋرنير مەرەيتوي يەسىنىڭ قۇرمەتىنە جاقسى دەڭگەيدە ۇيىمداستىرىلىپ، قاتىسۋشىلاردىڭ كوڭىلىنەن شىقتى.

تۋريزم جانە سپورت مينيسترلىگىنەن ارنايى ماراپات جەتكىزىلىپ، اقىنعا مەملەكەتتىك ناگرادا تابىس ەتىلىپ، ءتوس بەلگىسى تاعىلدى.

ودان بولەك، قوعامدىق بىرلەستىكتەر مەن ۇيىمداردان دا توي يەسىنە اسا قۇرمەت كورسەتىلىپ، ماراپاتتار مەن سىيلار تاپسىرىلدى.

مەن دە، وسى ىستىق كۇندەرگە قاراماي، ات تەرلەتىپ، ارقانىڭ قاق ورتاسىنان كەلىپ، دوسىما دەگەن سىي-قۇرمەتىمدى، ىستىق ءىلتيپاتىمدى كورسەتكەن جايىم بار ەدى.

ەكى كۇندىك مەرەكەلىك ءىس-شارا ءوز مارەسىنە جەتىپ، تويلانىپ، وڭ ناتيجەگە يە بولدى!

قۇرمەتتى اقىن دوسىم! اسەل — جەڭگەم!

قوس قاناتتارىڭ — دانا مەن دارىن! سىزدەرگە الماتى تورىندە اياعىمدى جەرگە تيگىزبەي، ۇستىمنەن شاڭ قاعىپ، قوناقجايلىق كورسەتىپ، جىلى كۇتىپ العاندارىڭىزعا مىڭدا ءبىر العىس! مەرەي جاسىن تاعى دا قۇتتى بولسىن، اقىنجان!

70 جىلدىعىڭدى دا فۋتبول الاڭىندا قارسى الايىق، دوسىم!

 

ارداق توعىموۆ،

استانا-الماتى-استانا