Aqyn Ordabaı asqaraly alpys jasqa keldi

Buqaralyq aqparat qyzmetkerleri kúnimen birge meniń áriptesim, dosym, aǵam, zamandasym Aqyn Ordabaıdyń jeke merekesi — kópten kútken mereıtoıy da kelip jetti.

60 jas! El aǵasy jasy! Tamasha san!

Sport salasynda júrgen azamattar qatarynda Aqyndy bilmeıtin jan joq shyǵar.

О́z ómirin 30 jyldan astam sport jýrnalıstıkasyna «qıǵan» tulǵa búginde óz jemisin kórýde: S. Berdiqulov atyndaǵy júldeniń laýreaty, qandy Jeltoqsan qozǵalysynyń syıly ardageri, qoǵam qaıratkeri, jazýshy, 10-ǵa jýyq kitaptyń avtory.

2025 jyldyń 28 maýsymy erekshe kún boldy. Shaǵyn fýtboldan ardagerler arasyndaǵy týrnır mereıtoı ıesiniń qurmetine jaqsy deńgeıde uıymdastyrylyp, qatysýshylardyń kóńilinen shyqty.

Týrızm jáne sport mınıstrliginen arnaıy marapat jetkizilip, Aqynǵa memlekettik nagrada tabys etilip, tós belgisi taǵyldy.

Odan bólek, qoǵamdyq birlestikter men uıymdardan da toı ıesine asa qurmet kórsetilip, marapattar men syılar tapsyryldy.

Men de, osy ystyq kúnderge qaramaı, at terletip, Arqanyń qaq ortasynan kelip, dosyma degen syı-qurmetimdi, ystyq iltıpatymdy kórsetken jaıym bar edi.

Eki kúndik merekelik is-shara óz máresine jetip, toılanyp, oń nátıjege ıe boldy!

Qurmetti Aqyn dosym! Ásel — jeńgem!

Qos qanattaryń — Dana men Daryn! Sizderge Almaty tórinde aıaǵymdy jerge tıgizbeı, ústimnen shań qaǵyp, qonaqjaılyq kórsetip, jyly kútip alǵandaryńyzǵa myńda bir alǵys! Mereı jasyn taǵy da qutty bolsyn, Aqynjan!

70 jyldyǵyńdy da fýtbol alańynda qarsy alaıyq, dosym!

 

Ardaq TOǴYMOV,

ASTANA-ALMATY-ASTANA