رىباكينا «ۋيمبلدون» ءتۋرنيرىن ءىرى جەڭىسپەن باستادى

الەمنىڭ 11-راكەتكاسى ەلەنا رىباكينا ۇلىبريتانياينىڭ لوندون قالاسىندا ءوتىپ جاتقان «ۋيمبلدون-2025» ءتۋرنيرىنىڭ ەكىنشى اينالىمىنا شىقتى، قازاقستان تەننيس فەدەراتسياسى.

ول العاشقى ويىنىن الەمدىك رەيتينگتە 49-ورىندا تۇرعان ارمەنيالىق ەلينا اۆانەسياندى 6:2، 6:1 ەسەبىمەن جەڭدى.

ماتچ ءبىر ساعاتقا سوزىلدى. وسى ۋاقىتتا رىباكينا ءۇش ەيس جاساپ، ەكى قاتە جىبەردى. التى برەيك-پوينتتىڭ بەسەۋىن ءساتتى پايدالاندى.

ەكىنشى اينالىمدا رىباكينا گرەكيا وكىلى ماريا ساككاريمەن وينايدى.

ءتۋرنيردىڭ جەكەلەي جارىس كەستەسىندە قازاقستان اتىنان تەك ەلەنا رىباكينا عانا قالدى. الەكساندر بۋبليك، الەكساندر شەۆچەنكو، بەيبىت جۇقاەۆ مەن يۋليا پۋتينتسەۆا ءبىرىنشى اينالىمنان اسا المادى.