Qazaqstan fýtbol federaııasy buqaralyq fýtbol salasyndaǵy eń iri ulttyq jobany tanystyrdy. Búginnen bastap elimizdiń barlyq aımaǵyn qamtıtyn 11h11 formatynda «Qazaqstan áýesqoı lıgasy» bastaldy, dep habarlady Qazaqstan fýtbol federaııasy.
Bul bastama prezıdent Qasym-Jomart Toqaevtyń halyqqa joldaýynda aıtylǵan basym baǵyttarmen úndesedi. Joldaýda buqaralyq sportty damytý men salaýatty ómir saltyn nasıhattaýdyń mańyzy erekshe atap ótilgen.
Bıyl alǵash ret uıymdastyrylǵan lıga endi jyl saıyn ótkiziledi. Osy maýsymǵa elimizdiń 20 óńirinen 268-den astam komanda, 5000-nan astam oıynshy qatysady dep kútilip otyr. Oǵan qosa 34 lokaııada 1500-den astam oıyn ótkizý josparlandy.
«Qazaqstan áýesqoı lıgasyn» qurý – federaııasynyń strategııalyq maqsatyna saı keledi. Bul bastama eldegi fýtboldyń damýyn birizdi júıege túsirýge baǵyttalǵan: áýesqoı deńgeıden bastap kásipqoı fýtbolǵa deıingi tolyq qurylym qalyptastyrý kózdelip otyr. Lıganyń taǵy bir mańyzdy mindeti – aımaqtardaǵy fýtbol ınfraqurylymyn nyǵaıtyp, onyń qoǵamdaǵy bedelin arttyrý.
Biz buryn-sońdy bolmaǵan osyndaı aýqymdy jobany tek saıys retinde emes, otandyq fýtboldyń jańa damý satysy dep qarastyramyz. Sebebi bul dodaǵa fýtboldy súıgen ár adamnyń qatysa alady. Osy básekeniń nátıjesinde óńirlik komandalardyń sany artyp, jastarǵa jańa múmkindikter beriledi. Bizdiń maqsat fýtboldyń áleýetin damytyp, óńirlerdegi sporttyq ómirdi jandandyryp, jankúıer men oıynshylardyń armanyna jol ashý. Osylaısha atalǵan jobanyń jyl saıyn joǵary deńgeıde ótýine qajetti qoldaýdy kórsetemiz, – dedi QFF bas hatshysy Davıd Lorııa.
Jarys eki kezeńnen turady. Aımaqtyq kezeń mamyr men qyrkúıek aralyǵynda elimizdiń 20 óńirinde ótedi. Al úzdik komandalar qazan aıynda Qazaqstan Respýblıkasy chempıony ataǵyn sarapqa salady.
Týrnır jeńimpazy 2026 jylǵy maýsymda Ekinshi lıgada oınaýǵa múmkindik alady. Sonymen qatar, kelesi jylǵy Qazaqstan kýbogyna qatysyp, elimizdiń atynan ÝEFA Aımaqtar kýbogynda óner kórsetedi.
Týrnır jyl saıyn turaqty túrde ótedi. Aldaǵy ýaqytta onyń formaty keńeıip, qamtý aıasy artady. Bul qadam fýtbol ekojúıesiniń barlyq deńgeıde damýyna serpin beredi.