SportPress.kz قازاقستان سپورت جاڭالىقتارى
تۋريزم جانە سپورت مينيسترلىگىنىڭ ەلىمىزدەگى سپورت ارداگەرلەرىن قولداۋ شارالارىن ىسكە اسىرۋ اياسىنداعى ماڭىزدى قادامداردىڭ ءبىرى – «قازاقستان سپورت ارداگەرلەرى وداعى» رەسپۋبليكالىق قوعامدىق بىرلەستىگىمەن تىعىز ىنتىماقتاستىق ورناتۋ بولىپ وتىر. وسىعان بايلانىستى اتالعان بىرلەستىك بيىل اقپان ايىندا دەنە شىنىقتىرۋ جانە سپورت ارداگەرلەرىن قولداۋعا، سونداي-اق حالىق اراسىندا پاتريوتتىق تاربيەنى دامىتۋعا مۇددەلى ازاماتتاردىڭ باستاماسىمەن قۇرىلعان بولاتىن، دەپ حابارلادى ۆەدومستۆو.
ۇيىم قۇرىلتايشىلارى – مەملەكەتتىك جانە قوعامدىق ۇيىمداردىڭ، ءبىلىم بەرۋ مەكەمەلەرىنىڭ اتىنان قاتىساتىن جەكە جانە زاڭدى تۇلعالار. ولار دەنە شىنىقتىرۋ، سپورت پەن پاتريوتتىق تاربيەنى دامىتۋ جولىندا كۇش بىرىكتىرىپ وتىر، — دەلىنگەن حابارلامادا.
ۆەدومستۆونىڭ حابارلاۋىنشا، تۋريزم جانە سپورت ءمينيسترى ەربول مىرزابوسىنوۆتىڭ تاپسىرماسىنا سايكەس، ەلىمىزدىڭ بارلىق وڭىرىندەگى سپورت ارداگەرلەرىنىڭ بىرىڭعاي ءتىزىمىن قالىپتاستىرۋ جۇمىستارى جۇرگىزىلۋدە. بۇل قادام سپورت ارداگەرلەرى تۋرالى تولىق ءارى وزەكتى اقپارات الۋعا، سونداي-اق قانداي قولداۋ شارالارىن ۇسىنۋعا بولاتىنىن ايقىنداۋعا مۇمكىندىك بەرەدى. الداعى ۋاقىتتا اكىمدىكتەرمەن، سپورت فەدەراتسيالارىمەن جانە باسقا دا ۋاكىلەتتى ورگاندارمەن بىرلەسە وتىرىپ، سپورت ارداگەرلەرىن جۇيەلى قولداۋ تەتىگى ازىرلەنەدى. بۇل – ارداگەرلەردى جۇمىسپەن قامتۋ، مەديتسينالىق كومەك كورسەتۋ، بۇقارالىق سپورتتى دامىتۋ سياقتى باعىتتاردى قامتيدى.
سونىمەن قاتار مينيسترلىك جانىنان وڭىرلىك سپورت باسقارمالارىنىڭ باسشىلارىن تاعايىنداۋ جونىندەگى ارنايى كوميسسيا قۇرىلعان. كوميسسيا مۇشەلەرى ۇمىتكەردىڭ سپورت سالاسىنداعى تاجىريبەسىن، باسقارۋشىلىق قابىلەتىن جانە ءوڭىر سپورتىنىڭ دامۋىنا قاتىستى ۇستانىمىن جان-جاقتى زەردەلەيدى. وسىلايشا، 2004 جىلعى وليمپيادا چەمپيونى باقتيار ارتاەۆ، 2012 جىلعى وليمپيادا چەمپيونى سەرىك ساپيەۆ جانە قازاق كۇرەسىنەن «قازاقستان بارىسى» ءتۋرنيرىنىڭ جەڭىمپازى ۇلان رىسقۇل سىندى ماماندار وبلىستىق سپورت باسقارمالارىنىڭ باسشىلىعىنا ۇسىنىلعان كانديداتتار رەتىندە قولداۋ تاپتى، — دەلىنگەن ودان ءارى حابارلامادا.
سونداي-اق تانىمال سپورتشىلاردى فەدەراتسيالاردى باسقارۋعا تارتۋ تاجىريبەسى دە ءتيىمدى جۇزەگە اسىرىلىپ وتىر. بۇگىندە جەڭىل اتلەتيكا فەدەراتسياسىن ولگا رىپاكوۆا، ال سۋ سپورت تۇرلەرى فەدەراتسياسىنىڭ باس حاتشىسى مىندەتىن دميتري بالاندين اتقارىپ ءجۇر.
