Týrızm jáne sport mınıstrligi sport ardagerlerin qoldaý boıynsha júıeli jumys istep jatyr

Týrızm jáne sport mınıstrliginiń elimizdegi sport ardagerlerin qoldaý sharalaryn iske asyrý aıasyndaǵy mańyzdy qadamdardyń biri – «Qazaqstan sport ardagerleri odaǵy» respýblıkalyq qoǵamdyq birlestigimen tyǵyz yntymaqtastyq ornatý bolyp otyr. Osyǵan baılanysty atalǵan birlestik bıyl aqpan aıynda dene shynyqtyrý jáne sport ardagerlerin qoldaýǵa, sondaı-aq halyq arasynda patrıottyq tárbıeni damytýǵa múddeli azamattardyń bastamasymen qurylǵan bolatyn, dep habarlady vedomstvo.

Uıym quryltaıshylary – memlekettik jáne qoǵamdyq uıymdardyń, bilim berý mekemeleriniń atynan qatysatyn jeke jáne zańdy tulǵalar. Olar dene shynyqtyrý, sport pen patrıottyq tárbıeni damytý jolynda kúsh biriktirip otyr, — delingen habarlamada.

Vedomstvonyń habarlaýynsha, týrızm jáne sport mınıstri Erbol Myrzabosynovtyń tapsyrmasyna sáıkes, elimizdiń barlyq óńirindegi sport ardagerleriniń biryńǵaı tizimin qalyptastyrý jumystary júrgizilýde. Bul qadam sport ardagerleri týraly tolyq ári ózekti aqparat alýǵa, sondaı-aq qandaı qoldaý sharalaryn usynýǵa bolatynyn aıqyndaýǵa múmkindik beredi. Aldaǵy ýaqytta ákimdiktermen, sport federaııalarymen jáne basqa da ýákiletti organdarmen birlese otyryp, sport ardagerlerin júıeli qoldaý tetigi ázirlenedi. Bul – ardagerlerdi jumyspen qamtý, medıınalyq kómek kórsetý, buqaralyq sportty damytý sııaqty baǵyttardy qamtıdy.

Sonymen qatar mınıstrlik janynan óńirlik sport basqarmalarynyń basshylaryn taǵaıyndaý jónindegi arnaıy komıssııa qurylǵan. Komıssııa músheleri úmitkerdiń sport salasyndaǵy tájirıbesin, basqarýshylyq qabiletin jáne óńir sportynyń damýyna qatysty ustanymyn jan-jaqty zerdeleıdi. Osylaısha, 2004 jylǵy Olımpıada chempıony Baqtııar Artaev, 2012 jylǵy Olımpıada chempıony Serik Sápıev jáne qazaq kúresinen «Qazaqstan Barysy» týrnıriniń jeńimpazy Ulan Rysqul syndy mamandar oblystyq sport basqarmalarynyń basshylyǵyna usynylǵan kandıdattar retinde qoldaý tapty, — delingen odan ári habarlamada.

Sondaı-aq tanymal sportshylardy federaııalardy basqarýǵa tartý tájirıbesi de tıimdi júzege asyrylyp otyr. Búginde Jeńil atletıka federaııasyn Olga Rypakova, al Sý sport túrleri federaııasynyń bas hatshysy mindetin Dmıtrıı Balandın atqaryp júr.