SportPress.kz Qazaqstan sport jańalyqtary
Qazaqstan fýtbol federaııasynyń prezıdenti Marat Omarov Qazsport telearnasyna suhbat berip, QFF óńirlik ınfraqurylymdy júıeli túrde damytyp jatqanyn, QFF-nyń elimizde Konferenııalar lıgasynyń nemese ÝEFA Sýperkýbogynyń fınalyn ótkizýge daıyn ekenin jáne salany turaqty damytýda klýbtardy jekeshelendirýdiń mańyzdy ekenin aıtty. Iaǵnı, ol fýtboldyń memleketten qarjylandyrylmaý kerektigin atap ótti.
Endi osylardy ret-retimen aıtsa ketsek, QFF basshysynyń aıtýynsha, el tarıhynda alǵash ret FIFA-nyń qoldaýymen mektepterde 100 shaǵyn fýtbol alańynyń qurylysy bastaldy. Oǵan qosa FIFA Arena jáne KFF Arena jobalary aıasynda jeke ınvestorlarǵa nesıe júıesi ázirlenýde.
– Biz ınfraqurylym máselesine júıeli túrde qarap otyrmyz. Qazir bir mezgilde úsh baǵytta jumys istep jatyrmyz. Qazaqstan tarıhynda alǵash ret FIFA qarjylandyrýymen qala jáne aýyl mektepterinde 100 shaǵyn fýtbol alańyn salý jobasy qolǵa alyndy. Qazir biz mektepterdi áleýmettik tapshylyǵy, halyq tyǵyzdyǵy jáne ınfraqurylymdyq jetispeýshilik krıterııleri boıynsha irikteýdemiz. Budan bólek, «FIFA Arena» jáne «KFF Arena» jobalarymyz bar. Ony «Báıterek» holdıngimen birge daıyndap jatyrmyz. Jeke kásipkerlerge ár qala men aýylda arenalar salý úshin qandaı paıyzben nesıe beremiz. «Damý» bankpen qandaı jeńildikter bolady sony qurýdamyz. FIFA Arena – strategııalyq mańyzdy joba. Ony FIFA qarjylandyrady, jobaǵa memlekettiń qarjysy salynbaıdy. Bul – jeke ınvestıııa. Qazaqstanda ınfraqurylym tapshylyǵy qatty seziledi. Biz iri qalalarda ǵana emes, aýyldyq jerlerde de fýtboldy damytýdy maqsat ettik. Federaııa ınfraqurylym tapshylyǵyn joıý, alańdar sanyn kóbeıtý jáne fýtboldy damytýǵa arnalǵan tehnıkalyq ári materıaldyq baza qalyptastyrýǵa basymdyq beredi, – dedi M.Omarov.
«QFF Qazaqstanda Konferenııalar lıgasynyń nemese ÝEFA Sýperkýbogynyń fınalyn ótkizýge daıyn»
Marat Omarov ÝEFA-ǵa elimizde 2027 jyly ÝEFA kongresin uıymdastyrýǵa, Konferenııalar lıgasynyń fınaly nemese ÝEFA Sýperkýbogyn ótkizýge usynys bergenin habarlady.
Onyń aıtýynsha, ÝEFA prezıdenti Aleksander Cheferınniń Qazaqstanǵa jasaǵan resmı sapary men ÝEFA-nyń qoldaýy elimizde fýtbol ınfraqurylymyn damytýǵa jáne iri halyqaralyq týrnırlerdi ótkizýge jańa múmkindik ashty.
– Bıyl Aleksander Cheferın Qazaqstanǵa alǵash ret resmı saparmen kelip, memleket basshysy Qasym-Jomart Kemeluly Toqaevpen kezdesti. Biz fýtboldy damytý máseleleri boıynsha mazmundy ári tereń pikir almastyq. ÝEFA-men kún saıyn tyǵyz jumys isteımiz. Olar bizdiń ádistemelik seriktesimiz, VAR júıesi syndy zamanaýı jobalardy engizýge kómektesedi. Federaııaǵa jyl saıyn qarjylaı qoldaý kórsetedi. Biz 2027 jyly ÝEFA Kongresin qabyldaýǵa daıynbyz. Sonymen qatar Astana men Almaty qalalarynda Konferenııalar lıgasynyń fınaly nemese Sýperkýbokty ótkizýge resmı usynys berdik. Oǵan Qazaqstan daıyn. Qazir elimizde jańa stadıondardyń qurylysy júrip jatyr. Sondaı-aq, U-21 jáne U-19 jasóspirimder quramalary arasynda Eýropa chempıonattaryn ótkizý josparymyzda bar, – dedi ol.
«Fýtbol memleketten qarjylandyrylmaý kerek»
Sonymen birge QFF basshysy salany turaqty damytýda klýbtardy jekeshelendirýdiń mańyzdy ekenin aıtty. Jekeshelendirýge usynylǵan klýbtardyń qatarynda «Astana», «Aqtóbe» jáne «Atyraý» fýtbol klýbtary bar. Qazir ınvestorlar áriptestiktiń jańa múmkindikterin qarastyryp jatyr.
– Qazirgi ýaqytta kóptegen fýtbol klýby bıýdjet esebinen qarjylandyrylady. Bilesizder, bul týraly ár túrli pikir bar. Bas prokýratýra men basqa da quqyqtyq organdar klýbtardy tekserdi. Árıne, kóp suraq bar. Klýbtarǵa jyl saıyn ortasha 3 mlrd teńge bólinedi. Biraq ol aqsha legıonerler men sheteldik mamandarǵa jumsaldy. Biraq klýbtardyń ınfraqurylymy, akademııasy men stadıony joq. Bul durys emes. Jeke ınvestor kelse, onyń óz aktıvi paıda bolady. Bolashaqta basqa demeýshiler arqyly taǵy da ınvestıııa tartady. Ol álemdik tájirıbe. Qazir eń myqty klýb – jekemenshik klýbtar. Búginde fýtbol bızneske aınaldy. Televızııalyq baǵdarlamalar, jarnama, onlaın platformalarda da bári bar. Kóp adam ony qaraıdy. Sondyqtan ár klýb jekemenshik bolǵany durys. Qazaqstan osy jolmen júredi. Bizde jekeshelendiriletin klýbtardyń tizimi jasaldy. Qazaqstan fýtbol federaııasy ınvestor tartýǵa kómektesetin tarap retinde jumys isteıdi, – dedi M.Omarov.
