SportPress.kz قازاقستان سپورت جاڭالىقتارى
فۋتزالدان جاڭا ماۋسىم ورال قالاسىندا وتەتىن سۋپەركۋبوك ماتچىمەن رەسمي تۇردە باستالادى، دەپ حابارلادى باتىس قازاقستان وبلىسى دەنە شىنىقتىرۋ جانە سپورت باسقارماسى.
23 تامىزدا ەل چەمپيونى – الماتىنىڭ «قايرات» پەن قازاقستان كۋبوگىنىڭ يەگەرى – «سەمەي» كوماندالارى ءوزارا مىقتىنى انىقتايدى. ماتچ «جايىق ارەنا» سپورت كەشەنىندە بولادى.
بۇل ويىننىڭ ەرەكشەلىگى – فۋتزال تاريحىندا العاش رەت سۋپەركۋبوك ويىنى باتىس قازاقستان وبلىسىندا، سۋ جاڭا ءارى زاماناۋي سپورت كەشەنىندە ۇيىمداستىرىلادى.
ماتچ وڭىردەگى فۋتزالدىڭ دامۋىنا جاڭا سەرپىن بەرىپ، جەرگىلىكتى جانكۇيەرلەر ءۇشىن ايتۋلى وقيعاعا اينالاتىنى ءسوزسىز، — دەلىنگەن حابارلامادا.
«جايىق ارەنا» اشىلعاننان بەرى بيىل سپورت كەشەنىندە كوپتەگەن جارىس ۇيىمداستىرىلىپ كەلەدى. بۇل جەردە ۆولەيبولدان ەرلەردىڭ ۇلتتىق ليگا كوماندالارى اراسىندا پلەي-وفف باسەكەسى ءوتىپ، قازاقستان چەمپيونى انىقتالعان بولاتىن.
