• Қазақ
  •   
  • Qazaq
  •   
  • قازاق
  •   
  • Рус
  •   
    БҚО Дене шынықтыру және спорт басқармасы

    Футзалдан Қазақстан Суперкубогы Оралда болады

    Футзалдан жаңа маусым Орал қаласында өтетін Суперкубок матчымен ресми түрде басталады, деп хабарлады Батыс Қазақстан облысы Дене шынықтыру және спорт басқармасы.

    23 тамызда ел чемпионы – Алматының «Қайрат» пен Қазақстан Кубогының иегері – «Семей» командалары өзара мықтыны анықтайды. Матч «Жайық арена» спорт кешенінде болады.

    Бұл ойынның ерекшелігі – футзал тарихында алғаш рет Суперкубок ойыны Батыс Қазақстан облысында, су жаңа әрі заманауи спорт кешенінде ұйымдастырылады.

    Матч өңірдегі футзалдың дамуына жаңа серпін беріп, жергілікті жанкүйерлер үшін айтулы оқиғаға айналатыны сөзсіз, — делінген хабарламада.

    «Жайық арена» ашылғаннан бері биыл спорт кешенінде көптеген жарыс ұйымдастырылып келеді. Бұл жерде волейболдан ерлердің ұлттық лига командалары арасында плей-офф бәсекесі өтіп, Қазақстан чемпионы анықталған болатын.

     

    Пікір жазу

    Your email address will not be published. Required fields are marked *

    *