چەمپيوندار ليگاسى: «قايرات» كەلەسى كەزەڭىنە شىقتى

الماتىنىڭ «قايرات» فۋتبول كومانداسى UEFA چەمپيوندار ليگاسى ءبىرىنشى ىرىكتەۋ كەزەڭىندە سلوۆەنيانىڭ «وليمپيا» كومانداسىمەن ەكىنشى ويىنىن ويناپ، 2:0 ەسەبىمەن جەڭىسكە جەتتى.

ءبىرىنشى ماتچتا كوماندالار 1:1 ەسەبىمەن تاراسقان ەدى. سوندىقتان ەكىنشى ويىندا كلۋبتارعا كەلەسى اينالىمعا شىعۋ ءۇشىن جەڭىس كەرەك ەدى. وسىعان بايلانىستى جاساقتار جاسىل الاڭعا شىعا سالىسىمەن جان اياماي ويناۋعا كىرىستى.

بۇل جولى «قايرات» ءوز الاڭىندا ءبىرىنشى بولىپ ەسەپ اشتى. 5-مينۋتتا جورجينو تەڭبىل دوپتى تورعا تۋلاتتى. ال 31-مينۋتتا ول ارىپتەسى الەكساندر مرىنسكيگە ادەمى پاس شىعارىپ بەردى. مرىنسكي ەكىنشى گولدى سالىپ، ءبىرىنشى تايم الاڭ يەلەرىنىڭ باسىمدىعىمەن اياقتالدى.

وسىدان كەيىن دە تابلوداعى ەسەپ وزگەرمەدى. «قايرات» ەكىنشى ىرىكتەۋ اينالىمىنا شىقتى.

«قايرات» ەۋروكۋبوك ويىندارىنا سوڭعى ەكى جىلدا عانا قاتىسقان جوق. 2022/23 جىلعى ماۋسىمدا كونفەرەنتسيا ليگاسى ەكىنشى ىرىكتەۋ كەزەڭىندە ۆەنگريانىڭ «كيشۆاردا» (0:1، 0:1) كومانداسىنان ەكى مارتە جەڭىلىپ قالدى.

داستان كەنجالين،

استانا