Chempıondar lıgasy: «Qaırat» kelesi kezeńine shyqty

Almatynyń «Qaırat» fýtbol komandasy UEFA Chempıondar lıgasy birinshi irikteý kezeńinde Slovenııanyń «Olımpııa» komandasymen ekinshi oıynyn oınap, 2:0 esebimen jeńiske jetti.

Birinshi matchta komandalar 1:1 esebimen tarasqan edi. Sondyqtan ekinshi oıynda klýbtarǵa kelesi aınalymǵa shyǵý úshin jeńis kerek edi. Osyǵan baılanysty jasaqtar jasyl alańǵa shyǵa salysymen jan aıamaı oınaýǵa kiristi.

Bul joly «Qaırat» óz alańynda birinshi bolyp esep ashty. 5-mınýtta Jorjıno teńbil dopty torǵa týlatty. Al 31-mınýtta ol áriptesi Aleksandr Mrynskııge ádemi pas shyǵaryp berdi. Mrynskıı ekinshi goldy salyp, birinshi taım alań ıeleriniń basymdyǵymen aıaqtaldy.

Osydan keıin de tablodaǵy esep ózgermedi. «Qaırat» ekinshi irikteý aınalymyna shyqty.

«Qaırat» Eýrokýbok oıyndaryna sońǵy eki jylda ǵana qatysqan joq. 2022/23 jylǵy maýsymda Konferenııa lıgasy ekinshi irikteý kezeńinde Vengrııanyń «Kıshvarda» (0:1, 0:1) komandasynan eki márte jeńilip qaldy.

Dastan KENJALIN,

ASTANA