ەۋروپا ليگاسى: «اقتوبە» ەكىنشى ساتىعا شىعا المادى

 «اقتوبە» فۋتبول كلۋبى UEFA ەۋروپا ليگاسىنىڭ ءبىرىنشى ىرىكتەۋ تۋرنيرىندە پولشانىڭ «لەگيا» (ۆارشاۆا) كومانداسىمەن ەكىنشى ماتچىن ويناپ، 0:1 ەسەبىمەن جەڭىلىپ قالدى.

وسى جانە ءبىرىنشى ويىننىڭ ناتيجەسىنەن كەيىن اقتوبە قالاسىنىڭ كومانداسى ەۋروپا ليگاسىمەن قوشتاسىپ، كونفەرەنتسيا ليگاسىنا ءتۇسىپ قالدى. ءبىرىنشى ويىندا دا وتانداستارىمىز قارسىلاستارىنان 0:1 ەسەبىمەن جەڭىلگەن بولاتىن.

ەكىنشى ماتچ 0:0 بولىپ اياقتالار ەدى. ويىننىڭ نەگىزگى ۋاقىتىنا ءبىر مينۋت قوسىلعاندا 91-مينۋتتا پولشالىق كلۋبتان يۋرگەن ەليتيم قورىتىندى ەسەپتى بەلگىلەدى دە كەتتى.

ەندى «اقتوبە» كونفەرەنتسيا ليگاسى ەكىنشى ىرىكتەۋ تۋرنيرىندە چەحيانىڭ «سپارتا» كلۋبىمەن وينايدى.

بۇدان بۇرىن «قايرات» UEFA چەمپيوندار ليگاسىنىڭ ءبىرىنشى ىرىكتەۋ كەزەڭىندە سلوۆەنيانىڭ «وليمپيا» كلۋبىن (1:1، 2:0) جەڭسە، «ورداباسى» UEFA كونفەرەنتسيا ليگاسىنىڭ ءبىرىنشى ىرىكتەۋ تۋرنيرىندە گرۋزيانىڭ «تورپەدو» (كۋتايسي) كومانداسىنا (3:4، 1:1) ەسە جىبەرىپ، جارىستى ەرتە اياقتادى.

ال «استانا» اتالعان ءتۋرنيردى ەكىنشى ىرىكتەۋ كەزەڭىنەن باستايدى.

داستان كەنجالين،

استانا