Býblık alǵash ret topyraq tósenishindegi týrnırdi jeńip aldy

Qazaqstannyń birinshi, álemniń 34-raketkasy Aleksandr Býblık Shveıarııanyń Gshtaad qalasynda ATP 250 týrnırinde úzdik shyqty, dep habarlady Qazaqstan tennıs federaııasy.

Ol osyǵan deıin ATP týrnırlerinde 12 ret fınalǵa shyǵyp, sonyń beseýinde jeńimpaz atanǵan. Sondaı-aq bul — Býblıktiń topyraq tósenishindegi jarystaǵy alǵashqy fınaly. Otandasymyzben fınalda dúnıejúzilik reıtıngide 109-orynda turǵan Hýan-Manýel Serýndolo oınady.

Fınaldyq matchty qarsylastar breık almasýmen bastady. Býblık partııany 6:4 esebimen breıkpen aıaqtady.

Ekinshi sette esep 2:2 bolǵan kezde Serýndolo breık jasap ketti. Esep — 3:2. Degenmen Býblık tarazy basyn teńestirdi. Biraq sol boıda oıynda qate jiberip, óz geımin qarsylasyna berip qoıdy. Serýndolo setke dop bergende, óz múmkindigin jibermedi. Al úshinshi, sheshýshi partııada Býblık breık jasap, 5:2 esebimen alǵa shyqty. Aqyry oıyndy 6:3 esebimen jeńdi.

Osylaısha Aleksandr Býblık alǵash ret topyraq tósenishindegi týrnırde jeńimpaz boldy. Bul – onyń sporttyq jolyndaǵy ATP jarystaryndaǵy altynshy, bıylǵy ekinshi tıtýly.